Actualitats
Un “tast” de lenga pròpria dins las escòlas de Jersey
L’illa de la Marga introdusís de leiçons de jerseyés dins lo programa dels estudis de las siás escòlas
Los escolans qu’an iniciat aqueste mes lo quatren cors de primària dins las escòlas publicas de Jersey auràn de seguir sièis classas de la lenga pròpria de l’illa: lo jerseyés. Lo govèrn de l’illa a definit l’iniciativa coma un “tast” de la lenga e a insistit en disent que, pel primièr còp, la lenga “poirà arribar a totes los enfants”. Segon las donadas de l’Ofici del Jerseyés, las corses d’aquela lenga arribavan solament a un tèrç dels escolans quand la matèria èra en defòra del curriculum oficial.
Lo jerseyés es lo parlar local del normand, un dels principals dialèctes del continuum lingüistic de la lenga d’oïl, dont lo francés estandard es estat tradicionalament la varietat mai difusada. Segon lo govèrn de Jersey, lo jerseyés es parlat per 2874 personas, çò es aperaquí 3% dels abitants de l’illa, e l’anglés i es la lenga dominanta.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Lo jerseyés es lo parlar local del normand, un dels principals dialèctes del continuum lingüistic de la lenga d’oïl, dont lo francés estandard es estat tradicionalament la varietat mai difusada. Segon lo govèrn de Jersey, lo jerseyés es parlat per 2874 personas, çò es aperaquí 3% dels abitants de l’illa, e l’anglés i es la lenga dominanta.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Lo tèrme de lenga pòt designar tota expression del lengatge uman comuna a un grop sociau, sensa consideracion de son apartenéncia eventuala a un ensems mai vast. L'article presenta correctament lo jerseyés, çò'm par. Me geina pas que se parle d'una "lenga provençala", s'es pas lo mejan de negar l'unitat evidenta de la lenga occitana. A prepaus dau piemontés, pensi pas que se pòsca dire qu'es d'italian. Lei lingüistas son pas unanims, mai s'es pas una lenga separada deis autras, benlèu se pòt considerar qu'es una varianta dau nòrd-italian.
Entre l'Empèri anglés e l'Empèri francés, sembla que siá lo mens pèjor per un normand d'èstre sota l'imperialisme londonian.
#1 Vesi pas ont es que Jornalet descona. Ieu i legissi clarament: "Lo jerseyés es lo parlar local del normand, un dels principals dialèctes del continuum lingüistic de la lenga d’oïl, dont lo francés estandard es estat tradicionalament la varietat mai difusada."
Lo piemontés, gallo-italic, es una varianta de l'italian ?
Avètz rason: sètz pas un lingüista!
Per çò del Jerriais, de segur que lingüiticament seguís l'esquèma: francés > normand > jerriais. Totun, Jersey es pas França e, urosament, escapa, a la dictatura lingüistica d'aqueste estat, ja que tenon lor pròpi governament. Se los jerseieses vòlon considerar que lo jerriais es una lenga, es lor libertat. Val melhor per lor subrevivènça lingüistica que prengan pas cap d'acercament amb l'estat francés assassin de lengas.
Es pas aquí una question de lingüistica, mas de socio-lingüistica.
Soi espantat de véser que Lo Jornalet se daisse anar a parlar de "lenga jerseguièsa (prononciar jerseièsa)" per parlar de çò qu'es probablament (soi pas un especialista) lo dialecte anglo-normand de la lenga francesa que se parla dins l'isla de Jersèi (escrivi atal aquel nom pròpri a vista de nas). Lo Jornalet precisa que l'infò ven d'un medià catalan. Ça que la, auriá pogut corregir d'el-meteis, çò me sembla. Un còp de mai soi pas lingüista, mas per èsser serioses, me sembla que cal arrestar de parlar de lenga valenciana (catalan), de lenga galiciana (portugués), de lenga alsasiana (alemand), de lenga provençala (occitan), de lenga pemontesa (italian) e de lenga jerseguièsa (francés). Que sapie la lingüistica es una sciéncia e se totas las questions èran de discutir, me sembla qu'ara que d'unas causas son definitivament establidas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari