Dimarç 13 de junh en sara 301 se tenguèt a remesa de prèmi d’occitan dau concors “D’après Lo pichon Micolau en occitan” au collègio Maurois.
 
Per o cors d’occitan mentonasc de 3a u collegians an trabalhat una part d’aquesta annaia per participar au concors literari 2016-2017 “a l’entorn d’un libre” sus l’obratge que ven de sortir aquest an en versions provençala e gascona: Lo pichon Micolau de Sempé e Goscinny (libre de jovença revirat en occitan provençal per Mauhorat e Alessio) organizat cada an per l’associacian Lectura e Òc.
 
A l’exempie d’aquesto obratge —gran clàssico— que cunta e fachende d’un scolaro e d’u ses amigues, l’objectiu per u collegians èra de scríver una stòria d’a soa vita d’adolescent repilhant o stil de scritura dau Pichan Nicolau. Après s’agissia d’i ajustar d’illustracions dintre o meme stil gràfico qu’o dessenhaire.
 
Tres stabliments dau departament d'u Alpes Maritimes an vist u ses scolaros retenguts per a qualitat dau sen trabalh. O collègio de L’Escarea dintre e valaie d’u Palhons, e u dos collègios de Mentan (Vento e Maurois). E entre elu figura o collègio Maurois de Mentan.
 
Dos d’aquelu scolaros fan part d’u 2 primíers —doe primiere en l’ocurréncia— e, u autres scolaros san staches retenguts entre e 17 mai bele realizacions!
 
De notar qu’a scolara premiaia l’an passat (en segonda posician) a progressat e es arribaia aquest an primiera sus e doe acadèmie de Niça e de Montpelhier.
 
En 3a l’occitan vivaroalpenc —sonat localament mentonasc— coma opcian LV3, compta per l’obtencian dau Brevet. Mas l’an que ven, l’opcian de mentonasc es amenaçaia dintre u dos collègios mentonasques, rompent a continuïtat pedagògica existenta damb l’ensenhament d’occitan que se fa au licèu Curie de Mentan.
 
O Rectorat e u stabliments se remandant a bala d’u efèctes d’a Reforma dau collègi (e d’inevitàbile prioritats d’ensenhament que san jamai l’occitan), après 7 annes de corses e malgrat de projèctes menats e de motivacian, i serà plus neshun cors d’occitan en collègio dintre o bacin scolaro de Mentan e mai generalament après Niça Èst e Drap fins a la frontiera damb Itàlia.
 
 
 
 
U scolaros d’occitan dau collègio Maurois
 
 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…