Actualitats
Aush: los elevaires de guits protèstan contra la gestion de la crisi de la gripa aviària
An blocat la rocada de la capitala d’Armanhac en tot plànher lo retard del pagament de las ajudas per las doas crisis
Los elevaires de guits d’Armanhac, organizats dins lo movement nomenat Les Canards en Colère (Los Guits en Colèra), bloquèron dimècres passat la rocada d’Aush, en tot protestar contra la gestion de la crisi de la gripa aviària, e mai que mai contra lo retard del pagament de las ajudas per las doas crisis successivas de 2015-2016, e de la fin de 2016 e del començament de 2017.
“Arron los episòdis de gripa aviària, nombrosas enterpresas dens la cordèra que son tanben hèra tocadas, e los avicultors deu Sud-Oèst que son shens nat reviengut despuish 194 dias! Au delà d'aquera situacion mauaisida, que son, com tots los lors collègas agricultors, a las estanças de la sobra de las ajudas PAC”, çò explica la còla dels Guits en Colère dins un comunicat que rapòrta La Setmana.
L’estat aviá anonciat que lo versament de las ajudas se fariá aqueste mes de junh, mas ara sembla qu’aqueles pagaments tardarián. Segon France 3, los elevaires an aprés que los complements financièrs per quant a 2015-2016 “seràn pas versats abans tres a quatre setmanas”, del temps que los que tòcan la crisi d’ongan arribarián a la mitat de julhet. Segon lo pòrtavotz del movement dels elevaires en protèsta, Lionel Candelon, “Hè shèis mes qu’òm nos ramenteja que los versaments e van arribar. Disem pro. Podem pas mei nos perméter de contunhar atau. I credem pas mei”, çò planhiá.
Dimenge passat, un nòu fogal de la gripa aviària, de la soca H5NC, feblament patogèn, foguèt descobèrt dins un elevatge de Breçòls (Bas Carcin).
“Arron los episòdis de gripa aviària, nombrosas enterpresas dens la cordèra que son tanben hèra tocadas, e los avicultors deu Sud-Oèst que son shens nat reviengut despuish 194 dias! Au delà d'aquera situacion mauaisida, que son, com tots los lors collègas agricultors, a las estanças de la sobra de las ajudas PAC”, çò explica la còla dels Guits en Colère dins un comunicat que rapòrta La Setmana.
L’estat aviá anonciat que lo versament de las ajudas se fariá aqueste mes de junh, mas ara sembla qu’aqueles pagaments tardarián. Segon France 3, los elevaires an aprés que los complements financièrs per quant a 2015-2016 “seràn pas versats abans tres a quatre setmanas”, del temps que los que tòcan la crisi d’ongan arribarián a la mitat de julhet. Segon lo pòrtavotz del movement dels elevaires en protèsta, Lionel Candelon, “Hè shèis mes qu’òm nos ramenteja que los versaments e van arribar. Disem pro. Podem pas mei nos perméter de contunhar atau. I credem pas mei”, çò planhiá.
Dimenge passat, un nòu fogal de la gripa aviària, de la soca H5NC, feblament patogèn, foguèt descobèrt dins un elevatge de Breçòls (Bas Carcin).
Des éleveurs de canards mobilisés à #Auch pour réclamer le versement des indemnisations #grippeaviairepic.twitter.com/TOzG9PsNt4
— Benjamin Peter (@BenjaminPeter) 14 de juny de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Aqueste rasonament (cadun hè çò qui li agrada) qu'ei valide tant qu'arrés n'impausa pas çò qui vòu a quauqu'un mei.
Si "agrada" a quauqu'un d'embarrar quauqu'un mei per lo torturar e lo tuar, qu'èm hèra a considerar com ua bona causa que ne sia pas possible.
Peus animaus, au dia de uèi, que son mei sovent tractat coma "quauqu'arren" que com "quaqu'un".
Que sabem cientificament qu'an emocions e sensacions atau com nosauts mes la màger part de nosauts n'ac pren pas en consideracion quand s'ageish de minjar.
Tant que serà atau, que i aurà monde qui essajaràn de sensibilisar los autes a aquesta problematica e qui essajaràn de pesar sus las politicas publicas entà que s'arrèsten aqueras practicas.
Que'us podetz tractar d'aiatollàs o de çò qui voletz, ne cambiarà pas arren :
los eslhevaires qu'an problèmas deus grèus, ja, mes ne son pas empachats de satisfèr los lors besonh biologics, arrés ne'us impausa pas ua quantitat de neuritura patogèna e ni la data ni la causa de la loa mort ne son pas fixadas a l'avança.
Que son en colèra, lhèu, mes ne son pas guits.
Drin mei d'informacion suu hitge gras si'vs interessa :
https://www.youtube.com/watch?v=zBWbTSQ6wZY
https://www.youtube.com/watch?v=qCMywsTtsiQ
#1 Se non t'agrada lo fetge gras, non ne manges pas e daissa los que lor agrada ne manjar, e s'adobar amb lor consicéncia. L'etica, si que ne cal.
Mas d'aïatolàs que nos venon uflar la bodegar amb çò qu'auriam de far o de far pas, n'avèm pas cap besonh, ges ni mica.
Perdon : lo hitge gras, quand sabem quiN ei hèit, ne'u podem pas sostiéner (qu'avì escriut tròp viste, la frasa ne's comprenè pas....)
Lo hitge gras, quand èm concients de la sensibilitat deus guits (vertadèrs, pas deus qui an un beret tricolòr e un trelhìs), e quand sabem qui ei hèit, ne'u podem pas sostiéner.
Informacions aquiu :
https://stop-foie-gras.com/
Sus aquesta crisi, que podem plànher los agricultors qui son dens ua situacion dificila (e com tostemps mespresats per las "elitas") mes ne cau pas desbrombar que las victimas mei nombrosas e qui pateishen lo mei d'aqueth sistèma que son los animaus, guits e aucas.
http://www.insolente-veggie.com/1478-2/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari