Actualitats
Un logicial de reconeissença faciala que detècta los escolans que fan pas atencion al cors
Serà ensajat pel primièr còp dins una escòla d’afars de París
Una escòla d’afars parisenca serà la primièra qu’ensajarà un nòu logicial de reconeissença faciala per saber se los escolans fan atencion al cors, çò publica The Verge.
A partir de la rintrada que ven, la Paris School of Business (PSB) experimentarà aquel logicial, que detècta los escolans que fan pas atencion al cors en mandar a cada escolan concernit una alèrta per que torne prene lo fil de la sesilha.
Aquel logicial s’apèla Nestor e emplega de camèras per analisar la responsa de las caras dels escolans. Es tanben capable d’avalorar se la leiçon genèra d’estambòrd o de refús, segon l’expression faciala. L’esplech l’a creat la societat LCA e se farà d’en primièr experimentar dins los corses de luènh, mas l’idèa de la PSB es de l’aplicar tanben als corses presencials.
A partir de la rintrada que ven, la Paris School of Business (PSB) experimentarà aquel logicial, que detècta los escolans que fan pas atencion al cors en mandar a cada escolan concernit una alèrta per que torne prene lo fil de la sesilha.
Aquel logicial s’apèla Nestor e emplega de camèras per analisar la responsa de las caras dels escolans. Es tanben capable d’avalorar se la leiçon genèra d’estambòrd o de refús, segon l’expression faciala. L’esplech l’a creat la societat LCA e se farà d’en primièr experimentar dins los corses de luènh, mas l’idèa de la PSB es de l’aplicar tanben als corses presencials.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es aquò la modernitat ??? Me'n vau plurar...
Si aquòo qu'es pas fasciste, me damanda que quò es?
Quò es l'obligacion d'escotar tot lo temps, en permanença lo cor. Coma si l'esser uman avia pas besonh de temps en temps de se detendre, de pensar a autre causa. Es quò que demoratz totjorn concentrat sur la rota, , quand menatz vòstre veitura.
i a un fum de monde que volan pus d'aquela escòla emben tota aquela programacion dempuei lo levar tres qu'en-z-a lo coijar. A 7 oras burre un veire d'aiga, prener una docha, se frotar las dents, anar a l'escòla ; a 9 oras la matematica, apres lo frances, apres autra leiçon, tornar maison, far sos devers, se coijar. I a pas de plaça per la creacion individuala per reflechir e trobar per se-mesme. Es ben l'escòla daus esclaus que forma una testa plan plena mas que dejos i a qu'obeissença o revòlta..
Los que fan pas atencion al cors son los qu'an lo cap clin (per agachar lor tamagoshi, vòli dire lor telefonet).
Quora un tal logicial a l'Acampada Nacionala e al Senat ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari