capçalera campanha

Actualitats

Politica

Tres deputats nacionalistas còrses a l’Assemblada francesa

Macron obten una victòria ampla e lo sistèma de partits francés patís una revirada

| EFAy
Los nacionalistas còrses an averat al segond torn de l’eleccion legislativa francesa una victòria istorica. Pel primièr còp, l’Assemblada francesa tendrà tres deputats corsistas: Michel Castellani, Jean Félix Acquaviva e Paul-André Colombani, çò rapòrta U Ribombu. Per ansin, tres de las quatre circonscripcions legislativas de Corsega son entre las mans de la coalicion autonomista e independentista. La quatrena, la primièra de Corsega del Sud,  l'a ganhada lo candidat dels Republicans, Jean-Jacques Ferrara. Cal soslinhar que l'illa mandarà pas cap de deputat macronista a París, contràriament al movement observat dins l'estat francés.
 
D'efièch, La Republica En Marcha (LREM), lo partit del president francés Emmanuel Macron, e sos aliats centristas del MODÈM, lo partit del bearnés occitanofòn François Bayrou, an ganhat per majoritat absoluda l’eleccion legislativa a la fin d’una jornada electorala marcada per l’abstencion pus nauta de l’istòria: lo 56% dels electors son pas anats votar.
 
Macron obten amb mai de 300 deputats una victòria ampla e lo sistèma de partits francés subís una revirada. Pasmens, la drecha dels Republicans (LR), lo Partit Socialista (PS) e l’esquèrra de la França Insomesa (FI) auràn cadun un grop parlamentari. Lo Front Nacional, qu’auriá 8 deputats en luòc dels 15 necessaris, obtendriá pas de grop parlamentari, mas Marine Le Pen e son companh Louis Aliot son elegits deputats pel primièr còp, coma la femna del cònsol de Besièrs, Emmanuelle Ménard. Lo cap de la França Insomesa, Jean-Luc Mélenchon, es venceire a Marselha, mentre que lo primièr secretari del PS, Jean-Christophe Cambadélis, a anonciat sa demission.
 
 
L’occitan i serà de la boca de Joan de Lassala
 
Tanben a obtengut lo sèti de deputat lo centrista bearnés, Joan de Lassala, que parla la lenga nòstra. De soslinhar qu’el es lo sol que mandèt sa responsa en occitan al questionari #2017oc.
 
 
 
 

abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

"Tàrrega" Igualada (PP.CC.)
15.

Caratsus! Això fa pudor de llibertat, si la cosa segueix així, els Corsos, se'n van, si no es que ja ho han fet ja!
Visca la Terra...Lliure!
L'Ernest, "El Tàrrega".

  • 0
  • 0
Domergue Sumien
14.

#13 'Francilhòt' es un mot istoric ja emplegat sota l'Ancian Regim.

  • 1
  • 0
circinellu
13.

#12 Quina es l'origina del mòt "francilhòt" : es istòrica o es un neològisma, fargat recentament?

Botifler a una origina istòrica : los botiflers èran los borgèses catalans que durant la guerra de Succession foguèron partisans de Felip de Borbon (dinastia francesa defensora del centralisme castelhan ) contra l'archiduc Carles d'Austria que aviá jurat de defensar, los "furs" dels países catalans: Principat de Catalonha, Reialme de Valéncia e ses Illes.

L'escais ven del fait que coma èran borgèses benestants avián sovent las gautas infladas, coma un pauc lo portrait del rei francés Louis Philippe. Autras sorgas mens probantas disan qu' es la prononciacion deformada pels catalans de "fleur de lys" flor que es sus l'escut dels Borbons.

Dempuèi e fins ara, aquel insult, utilitzada sustot en Catalonha, pòt se revirar en francés actual per " collabo";

Circinellu es un preire patriota còrs, originari de Guagnu que luchèt contra los invasors franceses, en particular a Ponte Novu e que foguèt trobat mòrt dins una balma del Fiumorbu ambe una crotz dins una man e un fusilh dins l'autra.

Ieu, soi filh d'un paire nord catalan de "soca-arrel" e d'una maire friulana. Ancian fonccionari de l'estat francés, demorèri dins una granda part de l'exagòna : Alsacia, Paris, Lion, Grenòbla, Mentan, Tolon, Marsilha, Montpelher, Tolosa, Perpinhan e Corsega .

  • 5
  • 0
Domergue Sumien Ais de Provença
12.

#9 Lo mot catalan 'botifler' a un quasi-equivalent en occitan: es 'francilhòt'.

  • 7
  • 0
francesc palma
11.

Urrà !,
Urrà !
Urrà !

  • 3
  • 0

Escriu un comentari sus aqueste article