Actualitats
D’ultradrechistas boicòtan los salvaments dels refugiats en Mediterranèa
De grops coma Génération Identitaire promòvon la campanha “Defendre Euròpa” per perseguir las ONG que secorron d'immigrants naufragats
De grops ultradrechistas, dont lo francés Generacion Identitària, son a empedir que las organizacions umanitàrias salven los immigrants e los refugiats en Mediterranèa. An mes en marcha la campanha nomenada “Defendre Euròpa” (Defend Europe, en anglés) amb la quala ensajan d’empachar fisicament los salvaments en mar. De costuma se servisson de batèls rapids e de fusadas esclairantas per empedir e boicotar las manòbras dels vaissèls de salvament, coma o rapòrta VilaWeb.
Fa qualques jorns, la marina italiana interceptèt un d’aqueles batèls rapids e ne detenguèt los ocupants. Lo batèl l’aviá logat lo grop ultradrechista francés Generacion Identitària. Segon The Guardian, los identitaris islamofòbs avián lançat una campanha de micromecenatge per 50 000 liuras per poder far venir operacional lor plan, e capitèron plan. Explicavan que volián identificar totes los vaissèls de las organizacions umanitàrias que trabalhan en Mediterranèa e los perseguir. Ofrissián pas mai de detalhs mas precisavan que s’inspiravan de las tacticas dirèctas de grops coma Greenpeace.
En seguida de l’article de The Guardian, la societat de pagaments en linha PayPal anullèt lo compte de Defend Europe. Totun, dins un vidèo publicat sus YouTube, lo grop explica qu'aviá pogut remborsar los fonzes als donators e qu’avián pas perdut d’argent. En aquel vidèo anóncia qu’un donator lor a ofèrt una “nau patriotica” per que pòscan complir lors “missions”, que se pòdon finançar amb de dons dirèctes sus lor sit web.
Segon l’article de VilaWeb, los identitaris franceses son a l’origina d’aquela iniciativa, qu’a ja de ligams amb d’autres grops ultradrechistas d’Euròpa e d’America.
Ensajan de criminalizar las organizacions umanitàrias
D’organizacions coma Pro Activa Open Arms an denonciat una intencion de criminalizar lors accions, sustot de la part de partits xenofòbs coma la Liga Nòrd de Matteo Salvini. Tanben lo vicepresident de la Cambra dels Deputats italiana, Luigi Di Maio (Movement 5 Estelas), escriguèt fa pauc sus Facebook: “Qual finança los taxis de la Mediterranèa?” E acusava las organizacions umanitàrias de menar los immigrants d’una còsta a una autra en encaissant de sòus.
Una menaça de mai per las organizacions umanitàrias que salvan de naufragats en Mediterranèa, qu’afrontan totjorn las atacas dels falses gardacòstas libians, en realitat de milicians armats.
Fa qualques jorns, la marina italiana interceptèt un d’aqueles batèls rapids e ne detenguèt los ocupants. Lo batèl l’aviá logat lo grop ultradrechista francés Generacion Identitària. Segon The Guardian, los identitaris islamofòbs avián lançat una campanha de micromecenatge per 50 000 liuras per poder far venir operacional lor plan, e capitèron plan. Explicavan que volián identificar totes los vaissèls de las organizacions umanitàrias que trabalhan en Mediterranèa e los perseguir. Ofrissián pas mai de detalhs mas precisavan que s’inspiravan de las tacticas dirèctas de grops coma Greenpeace.
En seguida de l’article de The Guardian, la societat de pagaments en linha PayPal anullèt lo compte de Defend Europe. Totun, dins un vidèo publicat sus YouTube, lo grop explica qu'aviá pogut remborsar los fonzes als donators e qu’avián pas perdut d’argent. En aquel vidèo anóncia qu’un donator lor a ofèrt una “nau patriotica” per que pòscan complir lors “missions”, que se pòdon finançar amb de dons dirèctes sus lor sit web.
Segon l’article de VilaWeb, los identitaris franceses son a l’origina d’aquela iniciativa, qu’a ja de ligams amb d’autres grops ultradrechistas d’Euròpa e d’America.
Ensajan de criminalizar las organizacions umanitàrias
D’organizacions coma Pro Activa Open Arms an denonciat una intencion de criminalizar lors accions, sustot de la part de partits xenofòbs coma la Liga Nòrd de Matteo Salvini. Tanben lo vicepresident de la Cambra dels Deputats italiana, Luigi Di Maio (Movement 5 Estelas), escriguèt fa pauc sus Facebook: “Qual finança los taxis de la Mediterranèa?” E acusava las organizacions umanitàrias de menar los immigrants d’una còsta a una autra en encaissant de sòus.
Una menaça de mai per las organizacions umanitàrias que salvan de naufragats en Mediterranèa, qu’afrontan totjorn las atacas dels falses gardacòstas libians, en realitat de milicians armats.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Destrocen, el Mon, i a sobre no deixen que les altres intentem arreglar-lo.
Son el pitjor que hi ha.
Visca la Terra...Lliure!
L'Ernest, "El Tàrrega".
Aconseguir la patz es la solucion perquè la gent no hagi pas de fugir de sas terras. Mas es tan dificil de far comprene que la patz es la solucion. L'Imperi USA dits: "Totus meus". Siria per mi, E hi aboquen diners, mercenaris, armas, compran periodistas. Mas visca la patz e non la guerra. Fora los imperis !
Lo brave umanitari que totjorn es preste a rendre service aus autres! mas l'umanitaire es tanben un brave tipe que paia daus impôts a un estat que se sers de son argent per bombardar e asservir los pais de l'autre costat de la mediterania. Plan segur que l'emigracion es entretenguda per los poderos per destabilisar l'Europe, Franca e allemanha.Los arabes e los musulmans en son pas responsables, pas mai que los frances o los européens. I auria d'autras solucions a trobar mas es la solucion que las multinacionalas pensan esser la melhora per elas e elas solas (cassar las leis socialas, far pression sur los salaris...).
Los que denonçan aquò se fan qualifiats d'ultra dreichas, de crimes contre l'umanitat, d'islamofòbes, plan relaiats per una propaganda qu'es lonh d'esser neutre. I a a burre e minjar. Mesfiatz vos, quand mesme de las idéias totas fachas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari