Actualitats
Tolosa: rompràn uèi lo june totes ensems amb una serada consagrada a la convivéncia
Uèi, a partir de 19h30, la coexisténcia se viurà en majusculas a l’Ostal d’Occitània de Tolosa, dins l’encastre d’una jornada interculturala e interreligiosa
En plen periòde de Ramadan, que finís dimenge que ven, l’Ostal d’Occitània a organizat aqueste ser un rescontre intercultural consagrat a la coexisténcia e a l’interconeissença. Uèi, los participants poiràn rompre lo june totes ensems a partir de 21h45 amb un repais oriental. Abans auràn pogut assistir a las charradissas sul june per d’especialistas en cristianisme, judaïsme e islam. De soslinhar la participacion de l’evesque de Pàmias, Jean-Marc Eychenne, e d’un representant de l’imam Tarik Abou Nour.
I participarà tanben l’escrivan e assagista occitan Alem Surre Garcia, collaborador de Jornalet, qu’es especializat en l’istòria d’Occitània e de sas relacions mediterranèas e orientalas, e mai que mai del concèpte occitan de convivéncia.
La serada serà animada per d’intervencions musicalas de tria. D’un costat, sonarà lo trio musical format per Hamid Sahel, Thierry Roques e Lisa Chaib, que recampa tres univèrses culturals. De l’autre se poirà gaudir de la musica d’Ali Alaoui amb Moultaqa Salam e, enfin, intervendrà lo duo de las Divas d’Orient.
L’eveniment l’organiza Convergéncia Occitana amb la tòca de priorizar “la cultura e lo partatge, fàcia a la barbariá”. Los organizaires d’aqueste eveniment cèrcan de reviscolar las valors de convivéncia e de paratge, mai que mai a un moment ont lo dialòg intercultural risca d’èsser copat.
“Occitània es pas una tèrra coma las autras. Ela a de responsabilitats particularas eiretadas de son istòria e de las valors universalas qu’ela a contribuit a fargar. Deu defendre la tolerància, lo dialòg e lo respècte entre los òmes e las culturas”.
Serada Convivéncia
Dijòus 22 de junh a 19h30
A l’Ostal d’Occitània
11, carrièra Malcosinat - 31000 Tolosa
I participarà tanben l’escrivan e assagista occitan Alem Surre Garcia, collaborador de Jornalet, qu’es especializat en l’istòria d’Occitània e de sas relacions mediterranèas e orientalas, e mai que mai del concèpte occitan de convivéncia.
La serada serà animada per d’intervencions musicalas de tria. D’un costat, sonarà lo trio musical format per Hamid Sahel, Thierry Roques e Lisa Chaib, que recampa tres univèrses culturals. De l’autre se poirà gaudir de la musica d’Ali Alaoui amb Moultaqa Salam e, enfin, intervendrà lo duo de las Divas d’Orient.
L’eveniment l’organiza Convergéncia Occitana amb la tòca de priorizar “la cultura e lo partatge, fàcia a la barbariá”. Los organizaires d’aqueste eveniment cèrcan de reviscolar las valors de convivéncia e de paratge, mai que mai a un moment ont lo dialòg intercultural risca d’èsser copat.
“Occitània es pas una tèrra coma las autras. Ela a de responsabilitats particularas eiretadas de son istòria e de las valors universalas qu’ela a contribuit a fargar. Deu defendre la tolerància, lo dialòg e lo respècte entre los òmes e las culturas”.
Serada Convivéncia
Dijòus 22 de junh a 19h30
A l’Ostal d’Occitània
11, carrièra Malcosinat - 31000 Tolosa
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Ostal d'Occitània de Tolosa es colhonut, visca l'amistat entre las religions e culturas diferentas, nos hem pas de daissar arrossegar per las ideas imperialas USA, que per tal de far guerras, enfrontan a las religions, a los països, a las gents. Prou nosaltres volem la patz e l'amor al mond entre totas las personas de bona volontat.
#6 Où coquin de sort ! Qué rire ! Qué bona galejada ! Digna d'aquèu brave Bagatouni dau bon Gélu ! Longamai la Papèssa ! Osca Avinhon, Osca Marsilha, Osca Provènça !
#5 Marijuana ? Canèbe, que fai de ben a la tèsta.
Bernis ? Vilatge de ma mamèta, vesin de Nimes, Gard.
Avinhon ? Ciutat deis Papas
La Papèssa ? Tarot de Marsilha.
Mala Tèsta ? Romegaire ? Take it easy baby !
#4 Qué significa, exactament l'escaiç-nom mespresent (per Maria-Joana Verny) que vos sètz causit per nos dostar davant lo nas lo vòstre mespètz de l'Autre ? Lo jornalet defend sas idèas e sos punts de vista. Se vos convenon pas, degun non vos empachrà pas d'alestir una autre jornal occitan en linha amb una sensibilitat politica diferenta…
Per ieu, París, es un vilatjòt occitan de Quercorbés, dins Aude…
Squats, Islam, LGBT..eca... Où, ensajatz desesperadament tot aquo que podètz per vos faire ben veire deis bobos e de Paris ? Pécaïre !! Quina demagogia!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari