Actualitats
François Bayrou e dos autres ministres del Modèm an demissionat
Una tièra de demissions marca la presentacion del govèrn del primièr ministre francés, Edouard Philippe
La presentacion del govèrn del primièr ministre francés, Edouard Philippe, es estada marcada per las demissions dels tres ministres del Modèm. Dimars passat, Sylvie Goulard quitava sa carga de ministra de la defensa, e qualques oras pus tard, lo bearnés François Bayrou demissionèt coma ministre de la justícia e Marielle de Sarnez coma ministra dels afars europèus.
Sarnez a daissat sa carga per venir presidenta del grop del Modèm a l’Assemblada francesa, del temps que Bayrou e Goulard o an fach per de rasons personalas davant la tempèsta mediatica que l’a generada una enquèsta contra lor partit per un escàndol de presumits emplecs fictius al Parlament Europèu.
Diluns tanben demissionèt lo ministre de la coesion territoriala, Richard Ferrand, mes en examen per nepotisme. Aqueste dirigirà lo grop de deputats del partit presidencial, La Republica En Marcha.
Doas novèlas ministras del Modèm
Totun, las tres demissions dels ministres del Modèm, restacadas a l’enquèsta suls presumits emplecs fictius, significan pas que lo partit centrista serà absent de la majoritat governamentala. Dimars passat après 19h15, aprenguèrem que i auriá doas novèlas ministras del govèrn: Jacqueline Gourault, ministra al près del ministre de l’Interior, e la gascona Geneviève Darrieussecq, secretària d’estat al près de la ministra de las armadas.
Sarnez a daissat sa carga per venir presidenta del grop del Modèm a l’Assemblada francesa, del temps que Bayrou e Goulard o an fach per de rasons personalas davant la tempèsta mediatica que l’a generada una enquèsta contra lor partit per un escàndol de presumits emplecs fictius al Parlament Europèu.
Diluns tanben demissionèt lo ministre de la coesion territoriala, Richard Ferrand, mes en examen per nepotisme. Aqueste dirigirà lo grop de deputats del partit presidencial, La Republica En Marcha.
Doas novèlas ministras del Modèm
Totun, las tres demissions dels ministres del Modèm, restacadas a l’enquèsta suls presumits emplecs fictius, significan pas que lo partit centrista serà absent de la majoritat governamentala. Dimars passat après 19h15, aprenguèrem que i auriá doas novèlas ministras del govèrn: Jacqueline Gourault, ministra al près del ministre de l’Interior, e la gascona Geneviève Darrieussecq, secretària d’estat al près de la ministra de las armadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo nostre amic Bairou deve haver vist que Maicon es un bufon de los banquiers, e qu' es podia pas far res a dins lo sieu govern. Melhor que haja sortit abans de que començen a far lo govern dels banquiers S.A.
#1 La solucion ? Suprimir los elegits e las eleccions, e votar las leis noaustres meteisses, en qualitat de ciutadans resoponsables e sanament informats. Governèm-nos.
Tu quoque Macronus, eh ?
Ah!Ah!Ah!Ah!Ah !Ah!Ah!Ah!Ah!Ah ! Alara, coma lo novèl rei-president a pus gaire besonh dau bon Bayrou per ésser elegit li a tirat l'escala, eh ? Ah!Ah!Ah!Ah!Ah !Ah!Ah!Ah!Ah!Ah !
Sensa cap sorprèsa, vesèm la perseguida de las abitualas enfadas e intrigas de palàs a co de la parisencalha. Concretament quin interès per nosautres occitans ? Pas cap.
Aahahahahahahaahahahahahh
tau crei guilhar Guilhot que puei Guilhot lo guilha, aquela colhonada d'emplecs fictius serviguè per desquilhar Filhon, e noïre à Marine le Pen e ara lo revertegot, d'un cop de ventau a agut desquilhat tres centristas, la solucion ? suprimir leis assistents parlementaris, serà tant d'imposts de mens pagats per lo contribuable
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari