Actualitats
S’alestís l’edicion del Kastanya.cat per encoratjar la musica en catalan e en occitan
Los grops de musica dins aquelas doas lengas se pòdon inscriure abans lo 16 de julhet. Lo projècte consistís en sèt emissions de television e en un concèrt final
Se prepara la segonda edicion del projècte Kastanya.cat per encoratjar lo catalan e l’occitan per mejan de la musica, e a l’encòp far de promocion dels grops de musica que cantan dins aquelas doas lengas. Lo projècte consistís en sèt emissions de 25 minutas caduna sus Lleida TV, per far conéisser los grops de musica, e en un concèrt final qu’ongan se tendrà lo 12 de novembre dins la sala Cotton Club de Lhèida (Catalonha). Los grops se pòdon inscriure fins al 16 de julhet sul sit llengua.gencat.cat/kastanya.
Lo desvolopament del Kastanya.cat se poirà seguir sus aquel sit web mençfonat adès e tanben sus la pagina Facebook del projècte.
Lo Kastanya.cat es una iniciativa del la direccion generala de la politica lingüistica de la Generalitat de Catalonha en partenariat amb Lleida TV.
La primièra edicion se debanèt l’an passat e foguèt una brava reüssida. I participèron 18 formacions dont cinc cantèron en occitan. Las emissions de television se pòdon recuperar sul sit de Lleida TV e un resumit del concèrt final se pòt veire en seguida.
Lo desvolopament del Kastanya.cat se poirà seguir sus aquel sit web mençfonat adès e tanben sus la pagina Facebook del projècte.
Lo Kastanya.cat es una iniciativa del la direccion generala de la politica lingüistica de la Generalitat de Catalonha en partenariat amb Lleida TV.
La primièra edicion se debanèt l’an passat e foguèt una brava reüssida. I participèron 18 formacions dont cinc cantèron en occitan. Las emissions de television se pòdon recuperar sul sit de Lleida TV e un resumit del concèrt final se pòt veire en seguida.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La cançon catalano-occitana ensembla per las onas de TV es un magnífic escenari per poder gaitar la nostra bona musica e gaudir-la. Foguet la melhor poesia del mond e tamben ho pot ser ara junt amb la musica. Raimon faguét una seria de cançons amb català medieval coma Veles e vents, e d'altres qu' es pot jonher a la melhor antologia de las nostras duas nacions.
Formidable!
Se cal marcar, totplen!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari