Actualitats
An destruch la mosqueta ont l’Estat Islamic proclamèt lo califat
De milicians de l’autoproclamat Estat Islamic l’aurián fach espetar quand èran a mand d’èsser conquistats, segon l’armada iraquiana
An destruch la mosqueta Al Nuri de Mossol (Iraq), una icòna de la vila, e de l’autoproclamat Estat Islamic. Es justament en aquel temple qu’Abu Bakr Al Bagdadi s’autoproclamèt califa en 2014. Bastida l’an 1172, la mosqueta èra un joièl de l’arquitectura.
Segon las fòrças iraquianas, los milicians de l’autoproclamat Estat Islamic (EI) la faguèron espetar quand èran a mand d’èsser conquistats. Per contra, los jihadistas dison que la destruguèt l’aviacion dels Estats Units, mas puèi l’armada estatsunidenca o a desmentit. Segon lo govèrn iraquian, en destrusent lo temple l’EI reconeis sa desbranda.
Cossí que siá, l’organizacion contraròtla totjorn d’autras vilas dins lo nòrd d'Iraq e se calcula que i auriá 150 000 civils dins lo territòri.
Las fòrças iraquianas s’èran sarradas de la mosqueta, situada dins l’oèst de Mossol, amb l’intencion de la liberar dels milicians jihadistas, mas l’EI preferiguèt de la destruire abans que tombèsse entre las mans de l’armada iraquiana.
Dins la fasa finala de la batalha de Mossol, solament demòra entre las mans dels jihadistas lo centre istoric de la vila.
Per quant a Al Bagdadi, seriá mòrt dins un bombardament de l’aviacion russa dins lo nòrd de Siria. Mas aquò es pas confirmat.
Segon las fòrças iraquianas, los milicians de l’autoproclamat Estat Islamic (EI) la faguèron espetar quand èran a mand d’èsser conquistats. Per contra, los jihadistas dison que la destruguèt l’aviacion dels Estats Units, mas puèi l’armada estatsunidenca o a desmentit. Segon lo govèrn iraquian, en destrusent lo temple l’EI reconeis sa desbranda.
Cossí que siá, l’organizacion contraròtla totjorn d’autras vilas dins lo nòrd d'Iraq e se calcula que i auriá 150 000 civils dins lo territòri.
Las fòrças iraquianas s’èran sarradas de la mosqueta, situada dins l’oèst de Mossol, amb l’intencion de la liberar dels milicians jihadistas, mas l’EI preferiguèt de la destruire abans que tombèsse entre las mans de l’armada iraquiana.
Dins la fasa finala de la batalha de Mossol, solament demòra entre las mans dels jihadistas lo centre istoric de la vila.
Per quant a Al Bagdadi, seriá mòrt dins un bombardament de l’aviacion russa dins lo nòrd de Siria. Mas aquò es pas confirmat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La victòria definitiva s'acosta al final.
la vièlha vou pas morir, se n'apren totjorn que mai de novas. E aquela empega ! un movement fanatic ,religios que destrutz sei propri luocs de culta ! à la revolucion francesa, èran lei revolucionaris que destrusián gleisas, catedralas, monastiers et ansin "écrasaient l'infâme" ara lo nihilisme a progressat e s'escrachan d'espereli, transformèm puslèu lei mosquèias en estables o mièlhs encara en porcius
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari