Actualitats
Sant Seren: pòrtas dobèrtas de l’Espaci Occitan Carcinòl
Se tendrà dins la dimenjada que ven e se prepausa un programa fòrça ric e variat
Dins la dimenjada que ven, 1 e 2 de julhet, l’Espaci Occitan Carcinòl de Sant Seren (Limarga) fa sas jornadas de pòrtas dobèrtas. Al programa se prepausa d’obradors de cants, de discussion e de danças tradicionalas, de lecturas, de corses, d’exposicions, de jòcs tradicionals, d’aperitius....
Per mai d’informacion podètz consultar lo sit web de l’Espaci Occitan Carcinòl, escriure a aqui.loc(a)laposte.net o telefonar al +33(0)6 73 62 64 63.
Un endrech indispensable per la subrevivença de la cultura occitana
Inaugurat al començament de 2016 a Sant Seren (Limarga), l’Espaci Occitan Carcinòl aculhís a l’ora d’ara una librariá, una botiga de produches culturals occitans, una bibliotèca, de corses d’occitan a divèrses nivèls; e mai prevei d’aculhir de mòstras, de conferéncias, de lecturas publicas, de concèrts... Es l’Associacion Aquí l’Òc qu’a mes en marcha lo local.
Los sits coma l’Espaci Occitan Carcinòl son de luòcs indispensables per la subrevivença de la nòstra cultura. Otra totas las activitats fachas per promòure la lenga, la cultura occitana a de besonh de luòcs on se pòsca parlar la lenga e ont la cultura del país aja una plaça per s’exibir sens cap de complèxe. Cal d’endreches ont l’occitanitat se pòsca viure plenament e ont siá possible de far un usatge social e normal de la lenga occitana sens que degun se sentisca estrangièr dins lo país.
Sant Seren es una vila fòrça importanta pel mantenement de la cultura. La vila de l’escrivan Pèire Brayac aculhís l’associacion Aquí l’Òc, la Calandreta l’Esquiròl, de corses d’occitan per adultes e mai dins doas escòlas publicas, un collègi e un licèu, e sèrva de nombroses locutors qu’an popat la lenga al brèç.
Per mai d’informacion podètz consultar lo sit web de l’Espaci Occitan Carcinòl, escriure a aqui.loc(a)laposte.net o telefonar al +33(0)6 73 62 64 63.
Un endrech indispensable per la subrevivença de la cultura occitana
Inaugurat al començament de 2016 a Sant Seren (Limarga), l’Espaci Occitan Carcinòl aculhís a l’ora d’ara una librariá, una botiga de produches culturals occitans, una bibliotèca, de corses d’occitan a divèrses nivèls; e mai prevei d’aculhir de mòstras, de conferéncias, de lecturas publicas, de concèrts... Es l’Associacion Aquí l’Òc qu’a mes en marcha lo local.
Los sits coma l’Espaci Occitan Carcinòl son de luòcs indispensables per la subrevivença de la nòstra cultura. Otra totas las activitats fachas per promòure la lenga, la cultura occitana a de besonh de luòcs on se pòsca parlar la lenga e ont la cultura del país aja una plaça per s’exibir sens cap de complèxe. Cal d’endreches ont l’occitanitat se pòsca viure plenament e ont siá possible de far un usatge social e normal de la lenga occitana sens que degun se sentisca estrangièr dins lo país.
Sant Seren es una vila fòrça importanta pel mantenement de la cultura. La vila de l’escrivan Pèire Brayac aculhís l’associacion Aquí l’Òc, la Calandreta l’Esquiròl, de corses d’occitan per adultes e mai dins doas escòlas publicas, un collègi e un licèu, e sèrva de nombroses locutors qu’an popat la lenga al brèç.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es força important tamben per los toristas, poder trobar un centre cultural per poder prendre una beguda e parlar la lenga nostra, o menjar qualca causa, far un bon dinar o sopar, amb la cusina occitana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari