Actualitats
Joan de Lassala e los tres deputats de Pè a Corsica cèrcan una aliança
Vòlon far un grop parlamentari dins l’Assemblada francesa per defendre los territòris, las culturas e las lengas
Lo deputat occitanofòn Joan de Lassala, reelegit fa qualques jorns per sa circonscripcion (las vals bearnesas d’Aussau, Aspa, Varetons e una partida del país basco de Sola), se poiriá aliar dins l’Assemblada francesa amb los tres deputats nacionalistas còrses per formar un grop “de defensa dels territòris”, segon çò que rapòrta Mediabask.
Per formar un grop parlamentari dins l’Assemblada francesa, cal quinze deputats. Segon Lassala, a l’ora d’ara i a un desenat de deputats qu’aurián donat lor acòrdi, en provenença de diferentas nacions sense estat de l’estat francés, es a dire los tres deputats de Pè a Corsica (Per Corsega) e tanben d’elegits venguts de Bretanha, Alsàcia, Polinesia e de la Reünion.
Dins aquel grop, “cadun garda era soa libertat de vòte”, çò ditz lo deputat occitan, qu’explica que lo denominador comun d’aquel grop politic seriá lor volontat de “deféner eths territòris, era cultura e era luenga”.
Lo deputat bearnés e los tres còrses son desenant a pè d’òbra per trobar los qualques elegits mancants.
Per formar un grop parlamentari dins l’Assemblada francesa, cal quinze deputats. Segon Lassala, a l’ora d’ara i a un desenat de deputats qu’aurián donat lor acòrdi, en provenença de diferentas nacions sense estat de l’estat francés, es a dire los tres deputats de Pè a Corsica (Per Corsega) e tanben d’elegits venguts de Bretanha, Alsàcia, Polinesia e de la Reünion.
Dins aquel grop, “cadun garda era soa libertat de vòte”, çò ditz lo deputat occitan, qu’explica que lo denominador comun d’aquel grop politic seriá lor volontat de “deféner eths territòris, era cultura e era luenga”.
Lo deputat bearnés e los tres còrses son desenant a pè d’òbra per trobar los qualques elegits mancants.
#Legislatives Rencontre à #Paris entre les députés nationalistes et le député Jean Lassale pour discuter de la constitution d'un groupe pic.twitter.com/Y2maJ1O3tx
— France 3 Corse (@FTViaStella) 23 de juny de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La desunion fa la feblesa. L'Union la força.
#9 Quin deputat aporta a l'occitanisme?
#8 :
Solide, ne vedi pas çò qu'apòrta a l'occitanisme d'aver un deputat que hè passar los occitans per un tropèth de conòts.
#7 Aquel monsur Lassala (cf "Monsur Lassera" de Marti ?) s'es tojorn gardat d'explicar a l'Assemblée Nationale que lo biarnès que cantèt un jorn, e que faguèt s'estraçar de rire totas las telès parisencas, èra d'occitan, pas un escur patès francès limitat a una o doas valadas perdudas, e que l'òc cubrissia gaireben un terç de France e que gràcia al centralism de sa "cara republica" aquèsta lènga èra gaireben trespassada. Al contrari, lo bon Lassala s'es acantonat amb complasència a un ròtle de palhaç folcloric, talhat sus mesura per faire rire la parisencalha.
#4 : Qu'un deputat e parle la lenga nosta qu'ei plan. Mes lo ròtle d'un deputat que va au delà d'aquò. Qu'ei mei que mei elegit entà exercir un póder legislatiu. E en regard d'aquò, las orientacions politicas de Jan Lassala ne m'agradan pas briga (lei l'article qu'ei hicat en ligam ta'n saber mei).
E puish s'ei ua question de representar la nosta lenga e la nosta cultura, que m'agradaré qu'estossen representadas per quauqu'un d'aute qu'un personatge folcloric.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari