Actualitats
Tragèdia en Paquistan: un accident de camion a daissat almens 149 personas mòrtas
Lo camion transportava d’idrocarburs abans de se reversar sus l’autoestrada. Las flamas atrapèron lo mond que s’èran sarrats del camion
Un tragic accident de camion en Paquistan a daissat un bilanç d’almens 149 personas mòrtas e mai d’una quarantena de nafradas, çò rapòrta Geo TV. Lo camion transportava d’idrocarburs e se reversèt, près de Bahawalpur, sus l’autoestrada que va del pòrt de Karachi fins a Lahore.
Al moment de l’accident, de centenats de personas del vilatge vesin de Ramzanpur Joya se gandiguèron sul luòc de l’accident per amassar l’idrocarbur escampat, e se trobèron presas per las flamas quand lo combustible s’incendièt. Segon las autoritats localas, de desenas de veïculs se trobèron tanben grèvament tocats per l’accident, a causa de l’incendi.
La majoritat dels ferits an de cremaduras almens sul 70% de lor còrs. Los menèron totes dins plusors espitals de la region.
Los corses cremats son ara de mal identificar fins que s’obtengan de mòstras d’ADN de las victimas.
Lo primièr ministre paquistanés, Nawaz Sharif, e lo responsable del govèrn de Punjab, Shehbaz Sharif, an plangut lo dòl de las victimas. Las autoritats se son engatjadas a menar a bon tèrme una enquèsta sus l’accident. Segon qualques testimònis que mençona Geo TV, i aviá tot plen de mond que fumavan a l’endrech ont se reversèt lo camion.
Al moment de l’accident, de centenats de personas del vilatge vesin de Ramzanpur Joya se gandiguèron sul luòc de l’accident per amassar l’idrocarbur escampat, e se trobèron presas per las flamas quand lo combustible s’incendièt. Segon las autoritats localas, de desenas de veïculs se trobèron tanben grèvament tocats per l’accident, a causa de l’incendi.
La majoritat dels ferits an de cremaduras almens sul 70% de lor còrs. Los menèron totes dins plusors espitals de la region.
Los corses cremats son ara de mal identificar fins que s’obtengan de mòstras d’ADN de las victimas.
Lo primièr ministre paquistanés, Nawaz Sharif, e lo responsable del govèrn de Punjab, Shehbaz Sharif, an plangut lo dòl de las victimas. Las autoritats se son engatjadas a menar a bon tèrme una enquèsta sus l’accident. Segon qualques testimònis que mençona Geo TV, i aviá tot plen de mond que fumavan a l’endrech ont se reversèt lo camion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari