Actualitats
Campanha per que la television en catalan arribe dins tot lo domeni lingüistic
En Catalonha Nòrd arriban pas las emissions de television en catalan, mentre qu’Alsàcia a accès a las emissions de lenga alemanda
An entamenat una campanha per exigir que los mèdias en lenga catalana pòscan arribar dins totes los Païses Catalans. L’associacion Plataforma per la llengua es a l’origina d’aquela protèsta e planh qu’en Catalonha Nòrd arriben pas las emissions de television en catalan, del temps qu’Alsàcia a accès a las emissions de lenga alemanda.
Dins aquel sens, son a amassar de signaturas per exigir dels estats espanhòl, francés, italian e andorran, que garentiscan que los mèdias en catalan se vejan delà las frontièras politicas, e que o fagan amb la lei e en facilitant los besonhs tecnologics.
Demandan que las emissions en catalan fachas en Catalonha, en Aragon, al País Valencian o dins las Illas Balearas, se pòscan trobar dins totes los territòris, e mai en Catalonha Nòrd e dins la vila de l’Alguer en Sardenha.
Per reüssir, anóncian que realizaràn las accions necessàrias al près de l’Union Europèa en exigissent que s’aplique plenament la lei europèa que protegís los dreches lingüistics dels ciutadans dins l’encastre dels mèdias audiovisuals.
Lo sit de la campanha es www.catalàsensefronteres.cat
Dins aquel sens, son a amassar de signaturas per exigir dels estats espanhòl, francés, italian e andorran, que garentiscan que los mèdias en catalan se vejan delà las frontièras politicas, e que o fagan amb la lei e en facilitant los besonhs tecnologics.
Demandan que las emissions en catalan fachas en Catalonha, en Aragon, al País Valencian o dins las Illas Balearas, se pòscan trobar dins totes los territòris, e mai en Catalonha Nòrd e dins la vila de l’Alguer en Sardenha.
Per reüssir, anóncian que realizaràn las accions necessàrias al près de l’Union Europèa en exigissent que s’aplique plenament la lei europèa que protegís los dreches lingüistics dels ciutadans dins l’encastre dels mèdias audiovisuals.
Lo sit de la campanha es www.catalàsensefronteres.cat
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De tota manera, per tot lo mond ja es poden veire los canals de tv catalans TV3, C33,.etc. per internet. Cal només teclejar TV3 pel cercador Google.
Los repetidors per enviar lo senhal a Catalunha Nord cal que sian alts e que tamben arriben a Montpeller e Occitània.
E cal que las emissions de las teles e radios catalanas cubrisquen Occitània tota ! Per reequilibrar la propaganda parisenca que nos escana de longa e senhorèja sul païs d'òc tot. Ajuda, fraires catalans, ajuda !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari