Actualitats
Las FARC an fach lo darrièr liurament d’armas a l’ÒNU
Amb aqueste darrièr liurament, las FARC an mes lo ponch final a un conflicte de 52 ans qu'a fach aperaquí 220 000 mòrts
Las Fòrças Armadas Revolucionàrias de Colómbia (FARC) an fach lo darrièr liurament d’armas a las Nacions Unidas, que fan lo mediator del procès de patz. Lo liurament se tenguèt ièr dins l’encastre d’una ceremònia simbolica amb la preséncia del president colombian Juan Manuel Santos e del cap de las FARC, Rodrigo Londoño Echeverri, aliàs Timochenko.
Lo desarmament de la guerrilha comencèt en febrièr, tres meses après la signatura de l’acòrdi de patz entre las FARC e lo govèrn colombian, qu’aviá agut luòc lo 24 de novembre. Lo grop aviá ja liurat a l’ÒNU lo 60% de sas 7000 armas e lo 20 de junh comencèt de donar lo 40% restant.
Lo procès de desarmament s’es fach simultanèament dins 26 camps e a mobilizat 6900 guerrilhièrs. Amb aqueste darrièr liurament, las FARC an mes lo ponch final a un conflicte de cinquanta dos ans qu'a tuat aperaquí 220 000 personas.
Lo desarmament de la guerrilha comencèt en febrièr, tres meses après la signatura de l’acòrdi de patz entre las FARC e lo govèrn colombian, qu’aviá agut luòc lo 24 de novembre. Lo grop aviá ja liurat a l’ÒNU lo 60% de sas 7000 armas e lo 20 de junh comencèt de donar lo 40% restant.
Lo procès de desarmament s’es fach simultanèament dins 26 camps e a mobilizat 6900 guerrilhièrs. Amb aqueste darrièr liurament, las FARC an mes lo ponch final a un conflicte de cinquanta dos ans qu'a tuat aperaquí 220 000 personas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La patz es la vida.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari