Actualitats
Lo Parlament de Catalonha a declarat illegals los 63 961 jutjaments faches pendent lo franquisme
Los parents de las victimas de la repression franquista an vist reconeguda lor dignitat amb l’anullacion de las senténcias fachas entre 1938 e 1978 en Catalonha e Aran
Lo Parlament de Catalonha a aprovat a l’unanimitat la lei de reparacion de las victimas del franquisme, en tot declarar illegals los conselhs de guèrra realizats en Catalonha e en tot anullar los 63 961 jutjaments faches entre 1938 e 1978. Se faguèt dins una sesilha esmoventa dijòus passat, que culminèt amb una ovacion als parents de las victimas del franquisme, presents dins la sala. Puèi los deputats e los representants de las associacions per la memòria istorica cantèron ensems l’imne catalan.
Lo Partit Popular votèt tanben en favor d’aquela lei, e mai s’en 2007 refusèt al Congrès dels Deputats espanhòl la lei de la memòria istorica que cercava de declarar illegitims los tribunals e las senténcias del franquisme.
La deputada occitana, Mireia Boya, soslinhèt que lo vòte foguèt un acte de trencadura amb los regims de 1936 e de 1978. “Aué ei un dia que durarà ans”, çò celebrèt. “Sauvem-lo ena nòsta memòria, leuem eth cap e eth ponh pr’amor qu’aué auem guanhat dignitat, justícia e libertat”. Puèi o tornèt assolidar sus Facebook.
“Èran innocents e, 40 ans puèi, son innocents de plen drech”, çò diguèt la jornalista Mònica Terribas.
Lo Partit Popular votèt tanben en favor d’aquela lei, e mai s’en 2007 refusèt al Congrès dels Deputats espanhòl la lei de la memòria istorica que cercava de declarar illegitims los tribunals e las senténcias del franquisme.
La deputada occitana, Mireia Boya, soslinhèt que lo vòte foguèt un acte de trencadura amb los regims de 1936 e de 1978. “Aué ei un dia que durarà ans”, çò celebrèt. “Sauvem-lo ena nòsta memòria, leuem eth cap e eth ponh pr’amor qu’aué auem guanhat dignitat, justícia e libertat”. Puèi o tornèt assolidar sus Facebook.
“Èran innocents e, 40 ans puèi, son innocents de plen drech”, çò diguèt la jornalista Mònica Terribas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Encara a la resta de l'estat hi ha encara sense derogar los judicis dels militars fachas. E a açò li diuen democràcia ?
Lindpendéncia comença sempre per l'independéncia d'èime, pel sens critic. Òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari