Actualitats
L’Institut d’Estudis Araneses organiza una jornada sus la lenga dins los mèdias
L’Acadèmia Aranesa de la Lenga Occitana se demanda quin ròtle devon jogar los mèdias en Aran per recobrar l’usatge social de l’occitan al país
Divendres que ven a 18h, se tendrà a Vielha una jornada de debat e reflexion sul ròtle dels mèdias en la preservacion e promocion de la lenga, son usatge social e los enjòcs de futur. Dins aquel sens i participaràn los jornalistas responsables de mèdias e d’espacis en aranés, dont tanben la còla de Jornalet.
Aquela jornada es una iniciativa de l’Institut d’Estudis Araneses - Acadèmia Aranesa de la Lenga Occitana (IEA-AALO) e serà presentada per son president, Jusèp Loís Sans, e pel vicesindic d’Aran, Luís Carlos Medina.
Una situacion lingüistica que los mèdias poirián reversar
Dempuèi l’an 1994, la lenga occitana a perdut en Aran lo 30% de sos parlants, coma o remarcava Sans durant una compareissença al Parlament de Catalonha per avalorar los dètz ans d’oficialitat de l’occitan en Catalonha. Una situacion que poiriá èsser fòrça pus grèva sens l’escòla aranesa e las diversas politicas lingüisticas realizadas en Catalonha e Aran.
Lo darrier recensament fach en 2013 constata que lo 55,1% dels araneses s'exprimisson abitualament en espanhòl e sonque lo 17,6% o fan en occitan, mentre que lo 16,4% o fan en catalan e lo 10,6% en d’autras lengas. Davant aquela situacion, l’IEA-AALO se demanda quin ròtle devon jogar los mèdias, publics e privats, presents en Aran, e los professionals.
Mieis de comunicacion en aranés, eth futur dera nòsta lengua
7 de julhet 2017 a 18h
Sèti de l’IEA-AALO
Avenguda Maladeta - Vielha (Castièro)
Aquela jornada es una iniciativa de l’Institut d’Estudis Araneses - Acadèmia Aranesa de la Lenga Occitana (IEA-AALO) e serà presentada per son president, Jusèp Loís Sans, e pel vicesindic d’Aran, Luís Carlos Medina.
Una situacion lingüistica que los mèdias poirián reversar
Dempuèi l’an 1994, la lenga occitana a perdut en Aran lo 30% de sos parlants, coma o remarcava Sans durant una compareissença al Parlament de Catalonha per avalorar los dètz ans d’oficialitat de l’occitan en Catalonha. Una situacion que poiriá èsser fòrça pus grèva sens l’escòla aranesa e las diversas politicas lingüisticas realizadas en Catalonha e Aran.
Lo darrier recensament fach en 2013 constata que lo 55,1% dels araneses s'exprimisson abitualament en espanhòl e sonque lo 17,6% o fan en occitan, mentre que lo 16,4% o fan en catalan e lo 10,6% en d’autras lengas. Davant aquela situacion, l’IEA-AALO se demanda quin ròtle devon jogar los mèdias, publics e privats, presents en Aran, e los professionals.
Mieis de comunicacion en aranés, eth futur dera nòsta lengua
7 de julhet 2017 a 18h
Sèti de l’IEA-AALO
Avenguda Maladeta - Vielha (Castièro)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal far programas en aranè, pel·liculs, teatre, documentals,e tota casta programacion d'entreteniment. A mai emitir-los per los repetidors de las montanhas araresas, perquè se posca veire tamben a Occitània.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari