Actualitats
Nòva Caledònia: las lengas canacas al jornals televisats
La cadena de television Caledonia emet de bulletins informatius en las quatre lengas qu’an mai de locutors segon l’Acadèmia de las Lengas Canacas: lo drehu, lo paicî, l’a’ijé e lo xàràcùù
Las lengas canacas son ara presentas dins los bulletins informatius de la television de la Nòva Caledònia. Lo 27 de junh passat, la cadena de television Caledonia emetèt pel primièr còp un jornal televisat en las lengas pròprias d’aquel territòri oceanic colonizat per l’estat francés. Fins ara, aquelas lengas èran solament emplegadas per aquela cadena dins un reportatge sul “patrimòni”. Ara, lo director d’aquel mèdia a dich que vòl “contribuir a far evolucionar l’agach sus aquelas lengas”, çò rapòrta Nationalia e l’AFP. Las lengas emplegadas son las quatre qu’an mai de locutors segon l’Acadèmia de las Lengas Canacas, e son lo drehu, lo paicî, l’a’ijé e lo xàràcùù.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Urra per Nova Caledònia, mas tamben per las nostras novas qu' han res de jornals de TV en la nostra lenga.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari