Actualitats
Una coalicion de combatents, mai que mai de curds, es intrada a Raqqa, qu’èra lo principal bastion de l’Estat Islamic
La coalicion a lo sosten dels Estats Units e es a mand de recuperar la capitala dels jihadistas. Las fòrças turcas desplegadas en Siria s’alestisson a atacar los curds
Las Fòrças Democraticas Sirianas (FDS), una coalicion compausada sustot per de combatents curds amb lo sosten dels Estats Units, son intrats dins la vila de Raqqa, lo bastion màger, fins ara, de l’autoproclamat Estat Islamic.
Los combatents an romput la darrièra encencha defensiva dels jihadistas e son a intrar dins lo centre vila, un airal fortificat entornejat per una muralha de 2500 mètres, que vòlon preservar per sa valor istorica. An trencat lo mur per dos ponches.
Lo fach que sián estats los curds qu’an liberat Raqqa dels jihadistas a sonat l’alarma en Turquia. Las fòrças turcas desplegadas en Siria son a mand d’atacar los curds.
Durant los tres ans que Raqqa es estada ocupada per l’autoproclamat Estat Islamic, un grop de ciutadans n’an documentada la dura vida de terror que la subisson los abitants. S’agís del colleciu RBSS (Raqqa is Being Slaughtered Silently, Chaplan Raqqa en Silenci), un grop de ciutadans jornalistas qu’en decembre de 2015 recebèron lo prèmi de la Libertat de Premsa del Comitat per Protegir los Jornalistas.
Los combatents an romput la darrièra encencha defensiva dels jihadistas e son a intrar dins lo centre vila, un airal fortificat entornejat per una muralha de 2500 mètres, que vòlon preservar per sa valor istorica. An trencat lo mur per dos ponches.
Lo fach que sián estats los curds qu’an liberat Raqqa dels jihadistas a sonat l’alarma en Turquia. Las fòrças turcas desplegadas en Siria son a mand d’atacar los curds.
Durant los tres ans que Raqqa es estada ocupada per l’autoproclamat Estat Islamic, un grop de ciutadans n’an documentada la dura vida de terror que la subisson los abitants. S’agís del colleciu RBSS (Raqqa is Being Slaughtered Silently, Chaplan Raqqa en Silenci), un grop de ciutadans jornalistas qu’en decembre de 2015 recebèron lo prèmi de la Libertat de Premsa del Comitat per Protegir los Jornalistas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo regim del terror es mal d'aguantar. Mas ara manca pauc per la liberacion, esperi pas qu'USA es quedi amb la ciutat, e que sian los curdes los que la liberin per los sirians.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari