Actualitats
Son disponibles los actes de l’XIn Congrès de l’AIEO
Mentretant, s’alestís a Albi lo XIIn Congrès que se debanarà del 10 al 15 de julh
Mentre que prepara son XIIn Congrès a Albi, que se tendrà del 10 al 15 de julh que ven, l’Associacion Internacionala d’Estudis Occitans (AIEO) ven d’anonciar la publicacion dels actes de son XIn Congrès, que se tenguèt a Lhèida (Catalonha) en junh de 2014. S’agís d’un volum que recampa de contribucions de gaireben un centenat de cercaires en provenença de mai de quaranta universitats.
Otra la version de papièr, lo libre d’aqueles actes se pòt tanben descargar en version electronica de nauta qualitat grafica. Compte tengut de la devisa del congrès (“de novèls tempses, de novèlas perspectivas”), la tòca es de rendre mai facila lor consultacion a totes los cercaires interessats per la lenga, la literatura e la cultura
occitanas, ont que se tròben, d'un cap a l'autre de la planeta, e de profechar a l’encòp dels elements positius de las novèlas tecnologias: consultacion en linha, cercador especific, mai d'una possibilitat de descargament, de recèrca o d'impression.
Aquela version numerica es pas una simpla mesa en linha de documents mai o mens adobada per l'escasença, mas de la publicacion d'un libre electronic que compren totas las compausantas d'un libre convencional, mas al format numeric. L'inclusion dels actes dins la colleccion "Biblioteca tècnica de política lingüística" de la Generalitat de Catalonha n'assegurarà, despersé, una difusion importanta, tanben al nivèl institucional.
Fondada en 1981 a Lièja (Valonia), l’Associacion Internacionala d’Estudis Occitans (AIEO) a per objectiu de favorizar e coordonar las recèrcas dins lo domeni dels estudis occitans. Tanben, sa vocacion es, en defòra de tota doctrina o tendéncia, de recampar totes los que se consagran a aquestas recèrcas dins lo Mond entièr, que sián tanplan medievistas coma modernistas, lingüistas coma literaris, istorians, antropològs, musicològs…, e que considèren los problèmas de la lenga e de la literatura d’òc tanplan en se coma dins lors rapòrts amb l’environament cultural e social. L’Associacion es un luòc de rescontres e de dialògs entre de disciplinas que dependon de l’ensemble de las sciéncias umanas e socialas.
Occitània en Catalonha: de tempses novèls, de novèlas perspectivas. Actes de l’XIen Congrès de l’Associacion Internacionala d’Estudis Occitans
Tèxtes editats per Aitor Carrera e Isabel Grifoll
Generalitat de Catalonha; Institut d'Estudis Ilerdencs, 2017
De descargar sul sit de la Generalitat de Catalonha
Otra la version de papièr, lo libre d’aqueles actes se pòt tanben descargar en version electronica de nauta qualitat grafica. Compte tengut de la devisa del congrès (“de novèls tempses, de novèlas perspectivas”), la tòca es de rendre mai facila lor consultacion a totes los cercaires interessats per la lenga, la literatura e la cultura
occitanas, ont que se tròben, d'un cap a l'autre de la planeta, e de profechar a l’encòp dels elements positius de las novèlas tecnologias: consultacion en linha, cercador especific, mai d'una possibilitat de descargament, de recèrca o d'impression.
Aquela version numerica es pas una simpla mesa en linha de documents mai o mens adobada per l'escasença, mas de la publicacion d'un libre electronic que compren totas las compausantas d'un libre convencional, mas al format numeric. L'inclusion dels actes dins la colleccion "Biblioteca tècnica de política lingüística" de la Generalitat de Catalonha n'assegurarà, despersé, una difusion importanta, tanben al nivèl institucional.
Fondada en 1981 a Lièja (Valonia), l’Associacion Internacionala d’Estudis Occitans (AIEO) a per objectiu de favorizar e coordonar las recèrcas dins lo domeni dels estudis occitans. Tanben, sa vocacion es, en defòra de tota doctrina o tendéncia, de recampar totes los que se consagran a aquestas recèrcas dins lo Mond entièr, que sián tanplan medievistas coma modernistas, lingüistas coma literaris, istorians, antropològs, musicològs…, e que considèren los problèmas de la lenga e de la literatura d’òc tanplan en se coma dins lors rapòrts amb l’environament cultural e social. L’Associacion es un luòc de rescontres e de dialògs entre de disciplinas que dependon de l’ensemble de las sciéncias umanas e socialas.
Occitània en Catalonha: de tempses novèls, de novèlas perspectivas. Actes de l’XIen Congrès de l’Associacion Internacionala d’Estudis Occitans
Tèxtes editats per Aitor Carrera e Isabel Grifoll
Generalitat de Catalonha; Institut d'Estudis Ilerdencs, 2017
De descargar sul sit de la Generalitat de Catalonha
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari