Actualitats
Reialme Unit: un rapòrt desvela que l’Arabia Saudita finança lo radicalisme jihadista
L’analisi parla d’una “connexion clara e en aument” entre las organizacions jihadistas britanicas que recebon d’argent de l’estrange
Un rapòrt de la societat Henry Jackson afirma que l’Arabia Saudita es lo promotor màger del radicalisme jihadista al Reialme Unit, segon çò que publica en exclusivitat la BBC. L’analisi parla d’una “connexion clara e en aument” entre las organizacions jihadistas britanicas que recebon d’argent de l’estrange.
Aquel rapòrt es pas gaire estonant. Ja en 2015 David Cameron, qu’èra alara lo primièr ministre, comandèt un rapòrt sus l’influéncia de las organizacions jihadistas, mas aqueste se publiquèt pas. De soslinhar que lo Reialme Unit ten de ligams economics, diplomatics e de seguretat estreches amb l’Arabia Saudita.
L’ambaissada saudita denóncia “d’afirmacions falsas”
De son costat, l’ambaissada saudita a Londres a reagit en soslinhant que lo document fa “d’afirmacions totalament falsas”. En mai d’aquò, a expausat que l’Arabia Saudita es estada victima d’atacs d’Al Qaida e de l’autoproclamat Estat Islamic.
Lo wahhabisme o salafisme saudita
Al començament dels ans 1960 s’inaugurèt a Brussèlas una mosqueta granda al Pargue del Centenari finançada per l’Arabia Saudita. Es lo centre mai important de difusion de l’ideologia wahhabita en Euròpa.
Lo wahhabisme (de l’arabi الوهابية, al wahhābiyya) es un movement fondamentalista qu’es vengut lo sistèma sòciopolitic oficial en vigor en Arabia Saudita. S’agís d’un sistèma religiós extrèmament rigorista, a causa de la cresença del sieu fondador que tot çò qu’apareguèt dins l’islam après las tres primièras generacions a partir del profèta èra innovator e corrompiá la fe. Per tant lo wahhabisme preconiza d’utilizar sonque lo Coran e los Hadits coma font de la religion, e prescindir de tota autra nocion que siá aportada per la tradicion. Se caracteriza tanben per sa volontat d’espandiment e, a l’ora d’ara, a estendut considerablament son influéncia amb la creacion de centres d’estudis e de mosquetas per tot lo Mond, finançats amb l’ajuda de las ressorsas economicas de la dinastia saudita. Tant Al Qaida coma lo pretengut Estat Islamic posan lor font ideologica dins lo wahhabisme, que se coneis tanben jol nom de “salafisme saudita”
Fa quatre ans, Wikileaks revelèt l’enòrme chepic del govèrn bèlga per las activitats d’aquela mosqueta. Belgica, de fach, obtenguèt que se cambièsse lo president de la fondacion que la gerissiá, Khalid Alabri, un foncionari saudita que las autoritats europèas identificavan coma un dels principals promotors de las activitats wahhabitas.
Aquel rapòrt es pas gaire estonant. Ja en 2015 David Cameron, qu’èra alara lo primièr ministre, comandèt un rapòrt sus l’influéncia de las organizacions jihadistas, mas aqueste se publiquèt pas. De soslinhar que lo Reialme Unit ten de ligams economics, diplomatics e de seguretat estreches amb l’Arabia Saudita.
L’ambaissada saudita denóncia “d’afirmacions falsas”
De son costat, l’ambaissada saudita a Londres a reagit en soslinhant que lo document fa “d’afirmacions totalament falsas”. En mai d’aquò, a expausat que l’Arabia Saudita es estada victima d’atacs d’Al Qaida e de l’autoproclamat Estat Islamic.
Lo wahhabisme o salafisme saudita
Al començament dels ans 1960 s’inaugurèt a Brussèlas una mosqueta granda al Pargue del Centenari finançada per l’Arabia Saudita. Es lo centre mai important de difusion de l’ideologia wahhabita en Euròpa.
Lo wahhabisme (de l’arabi الوهابية, al wahhābiyya) es un movement fondamentalista qu’es vengut lo sistèma sòciopolitic oficial en vigor en Arabia Saudita. S’agís d’un sistèma religiós extrèmament rigorista, a causa de la cresença del sieu fondador que tot çò qu’apareguèt dins l’islam après las tres primièras generacions a partir del profèta èra innovator e corrompiá la fe. Per tant lo wahhabisme preconiza d’utilizar sonque lo Coran e los Hadits coma font de la religion, e prescindir de tota autra nocion que siá aportada per la tradicion. Se caracteriza tanben per sa volontat d’espandiment e, a l’ora d’ara, a estendut considerablament son influéncia amb la creacion de centres d’estudis e de mosquetas per tot lo Mond, finançats amb l’ajuda de las ressorsas economicas de la dinastia saudita. Tant Al Qaida coma lo pretengut Estat Islamic posan lor font ideologica dins lo wahhabisme, que se coneis tanben jol nom de “salafisme saudita”
Fa quatre ans, Wikileaks revelèt l’enòrme chepic del govèrn bèlga per las activitats d’aquela mosqueta. Belgica, de fach, obtenguèt que se cambièsse lo president de la fondacion que la gerissiá, Khalid Alabri, un foncionari saudita que las autoritats europèas identificavan coma un dels principals promotors de las activitats wahhabitas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Acò ho ha montat tot, los servicis secrets occidentals per ordre de la cia. Aquí se far lo que disem l'imperi USA, que per qualca causa guanharem a CSA la Confederacion dels Estats Americans, foteren las terras qu' eran de Mèxic, als castellans Cuba,Puerto Rico e Filipinas, se feren los amos de tota Sud Amèrica, e d'Europa. Mas Aal Vietnam las causas los anet pas ben, e a a Corea tampauc.
Lo jornalet a descobèrt lo fuòc amb aquel article. Osca ! Vos manca pas mai qu'a inventar lon fil a copar lo burre. Coratge!
Enfin, vos voldriái dire que i a de sites, nomats "complotistas" per los mèdias "main sream" de la propagandosfèra, on aquò es conegut dempuèi d'annadas. La complicitat d'Israël tanben, dels Estats Units ambe lor CIA, o la dels servicis secrets francés que manipulan los "radicalisats" , e l'estrategia del caòs per manténguer l'estat d'urgéncia liberticid etc, etc...
Sètz de braves nècis sus aquel sit !
Ben, èra sauput dempuèi un fais de temps, non ? Riyad finança lo wahabisma e l'Islamisma, coma Washington finança la CIA e la NSA , e coma Paris finança Elf-Aquitaine e la Françafrique, vèsi pas ont es lo scoop. Levat benlèu per la BBC ; tè, cossi se ditz en englès "un secrèt de Polichinèla" ?
aquesta revelacion dau jornalet me fai pensar a un biais de dire d'aici : devinaire de Menerba, quand mete la man sus un estronch ditz qu'ei de merda... un dei pais pus rics dau mond l'Arabia saodita que sa lei n'es la sharià vodriá que lo mond entier l'adoptèsse, per toti lei mejans que son autorizats per lo Coran, bord que l'evolucion de l'umanitat s'arresta tres generacions après aquela dau profeta e aquò, capon de pasdieune, es la paraula d'Allah e que lei bombas que fan petar de pertot lei djihadistas son de puras entelequias, en idèas diriá Mistral ! m'espanta lo nihilisme d'aquesta religion" de patz, de tolerànça e d'amor", segons la definicion que ne donan leis immigracionistas dessenats
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari