Actualitats
Estats Units: an refusat a sièis estudiantas afganas lo visat per participar a un concors de robotica
Lo robòt qu’an fach si qu’a pogut intrar al país e las joves i participaràn via Skype
Los Estats Units an enebit l’intrada de sièis gojatas afganas al país per participar al First Global Challenge, concors internacional de robotica que se tendrà a Washington del 16 al 18 de julhet. I participaràn de joves scientifics de 156 païses de tot lo Mond, mas pas d’Afganistan.
Las rasons d’aquel refús de visat son, per ara, desconegudas e los representants del Departament d’Estat dels Estats Units an dich qu’“an pas drech de comentar de cases particulars de refús dels visats”.
Afganistan es pas dins la lista dels sièis païses de majoritat musulmana suls quals lo president Donald Trump a impausat l’enebicion d’intrar dins los Estats Units. En mai d’aquò, de joves de Sodan e Siria si que poiràn participar al concors scientific, e mai s’aqueles païses se tròban dins la lista de Trump.
Las joves afganas planhon d’avèr percorregut durant doas jornadas los 800 quilomètres que separan lors vilas de l’ambaissada estatsunidenca a Kabol per demandar lo visat, e declaran se sentir “insultadas”.
De dificultats per las femnas dins l’educacion
Afganistan es un dels païses ont es mai complicat per las femnas d’accedir a l’educacion e trobar un emplec. Mas las joventas refusadas se rendon pas: “Degun coneis pas l’avenir... mas avèm fach çò melhor qu’avèm sauput e esperam que nòstre robòt obtenga de bons resultats”. En mai d’aquò, son seguras que “serà pas lo primièr robòt que [fan]. [Lor] objectiu es de ne far mai per aténher de melhoras tòcas dins l’avenir”.
La majoritat d’aquelas gojatas nasquèron après 2001, quand comencèt l’intervencion militara dels Estats Units dins lor país per far cabussar lo regim dels Talibans, qu’enebissiá las filhas d’anar a l’escòla. Èran obligadas de demorar a l’ostal e solament podián sortir acompanhadas d’un parent.
I participaràn per Skype
Lo president del concors, Joe Sestak, a declarat sus Facebook son planh per la decision dels Estats Units. De mai, a decidit que las sièis joves i pòscan participar en dirècte via Skype. E mai s’elas an pas obtengut lo visat, lo robòt qu’an fach a pogut plan arribar als Estats Units. “Es aital que nos cal onorar las companhas de la còla, aquelas joves valentas d'Afganistan", çò a dich Sestak.
Las rasons d’aquel refús de visat son, per ara, desconegudas e los representants del Departament d’Estat dels Estats Units an dich qu’“an pas drech de comentar de cases particulars de refús dels visats”.
Afganistan es pas dins la lista dels sièis païses de majoritat musulmana suls quals lo president Donald Trump a impausat l’enebicion d’intrar dins los Estats Units. En mai d’aquò, de joves de Sodan e Siria si que poiràn participar al concors scientific, e mai s’aqueles païses se tròban dins la lista de Trump.
Las joves afganas planhon d’avèr percorregut durant doas jornadas los 800 quilomètres que separan lors vilas de l’ambaissada estatsunidenca a Kabol per demandar lo visat, e declaran se sentir “insultadas”.
De dificultats per las femnas dins l’educacion
Afganistan es un dels païses ont es mai complicat per las femnas d’accedir a l’educacion e trobar un emplec. Mas las joventas refusadas se rendon pas: “Degun coneis pas l’avenir... mas avèm fach çò melhor qu’avèm sauput e esperam que nòstre robòt obtenga de bons resultats”. En mai d’aquò, son seguras que “serà pas lo primièr robòt que [fan]. [Lor] objectiu es de ne far mai per aténher de melhoras tòcas dins l’avenir”.
La majoritat d’aquelas gojatas nasquèron après 2001, quand comencèt l’intervencion militara dels Estats Units dins lor país per far cabussar lo regim dels Talibans, qu’enebissiá las filhas d’anar a l’escòla. Èran obligadas de demorar a l’ostal e solament podián sortir acompanhadas d’un parent.
I participaràn per Skype
Lo president del concors, Joe Sestak, a declarat sus Facebook son planh per la decision dels Estats Units. De mai, a decidit que las sièis joves i pòscan participar en dirècte via Skype. E mai s’elas an pas obtengut lo visat, lo robòt qu’an fach a pogut plan arribar als Estats Units. “Es aital que nos cal onorar las companhas de la còla, aquelas joves valentas d'Afganistan", çò a dich Sestak.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Mossur "Septime".
Ai agut pensat de causas que se raprochavan de ce que pensatz. Solament, i a un biais de las argumentar, un biais de las dire, de dire son viugut amai. Es verai que certans vòlon pas entendre certanas causas. Mès se ponchejatz aquelas causas dau biais que fasètz, voldràn las entendre encara mens los autres.
Aqueste còp, atrape qu'avètz lo perpaus mordent en faça d'aquelas jovas que participan a un concors de robotica, concors enternacionau amai. Me dise que, saguèsson estadas acceptadas, auriáun agut una ocasion : aquela de passar per engincosas, ni per l'image que dona lur vestiment. Saique saupràn se far vaudre dinc un autre concors. Emb d'aquò, sota-entendre que çai fariáun de proselitisme religiós de per lur vestiment... Oblidetz pas que son d'estudiantas afganas, de familha e de cultura afgana, venent d'un establiment afgan e que son estadas a l'ambaissada a Kabol, non pas a Washington.
Daumatge qu'en aquel cas, los Estats-Units agon privilegiat lo semblar au saupre-faire : aquò sariá estat, benlèu, una reconeissença de l'engin femenin de la femna aràbia tant coma la debuta, quau sap, de la desmancipacion d'aquelas jovas.
Lurs barrar de lònga la pòrta en d'aquelas femnas pòt las menar a se replegar encara mai, de còps qu'o siègon... E pièi, o tòrne dire, aquò se desbana dinc lo quadre d'un concors. Fau saupre èstre mesurat de còps que i a, per fin de permetre qu'espeligon d'erosas endevenenças.
Trump a refusat a sièis estudiantas afganas lo visat per participar a un concors de robotica ? Cap de problèma, Potin se ferà un plaser de las recuperar pel profièch seu !
#4 Demanda-z-o au Septime , qu'aqèu a la vista !
De las quatre, quala es Sòrre Marie-Thérèse?
Se podrian haver vestit d'una altra manera. E non tant tapadas. Així las han vistas venir d'enfora. Pobres e beneits no pot ser, poden ser pobres, però pobres e beneits no.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari