Actualitats
Les: primièr debat sus l’avenir d’Aran après lo referendum d’independéncia
D’un costat, Medan e Boya se mòstran partisans d’una republica confederala d’aspècte binacional, mentre que Moga prepausa qu’Aran venga una entitat territoriala autonòma dins Catalonha
Aperaquí 60 personas participèron dissabte passat a Les (Quate Lòcs) al primièr debat sus l’avenir d’Aran dins l’encastre de l’eventuala nòva republica que pòsca eissir après lo referendum d’independéncia anonciat pel 1r d’octòbre que ven en Catalonha e Aran.
L’eveniment comencèt amb la presentacion d’una proposicion de Constitucion per la nòva republica elaborada per Constituïm, presentada tanben en occitan aranés, en tot soslinhar los aspèctes que pertòcan dirèctament Aran e son autogovèrn. Lo CAÒC expausèt sa proposicion de republica binacionala (occitanocatalana) d’aspècte confederal, que done la possibilitat a Aran d’aver un estat pròpri.
Lo debat contunhèt amb la participacion de la deputada aranesa del Parlament de Catalonha, Mireia Boya; lo cònsol màger de Les, Emílio Medan, lo cònsol Hug de la Rosa e lo conselhièr aranés de la Generalitat de Catalonha, Àlex Moga.
D’un costat, Medan e Boya se mostrèron partisans de la republica confederala d’aspècte binacional, del temps que Moga prepausava qu’Aran venguèsse una entitat territoriala autonòma dins Catalonha.
Demest los assistents se mostrèt l’interès de far d’autras edicions d’aquel debat dins d’autras vilas aranesas. La seguenta poiriá èsser Salardú.
L’IEA-AALO declara que lo procès en Aran lo deu gerir lo Conselh General d'Aran
Durant l’eveniment, lo president de l’Institut d’Estudis Araneses-Acadèmia Aranesa de la Lenga Occitana, Jusèp Loís Sans, profechèt l’escasença per legir una declaracion que l’aviá aprovada lo conselh de l’Acadèmia aquel meteis matin. Dins aquela declaracion, l'IEA-AALO, reconeis la proteccion que Catalonha a donada a l'occitan, afirma que dins l’eventuala futura republica l’occitan deu téner, almens, la situacion d’oficialitat dins tot lo territòri, e que lo procès del drech de decidir en Aran deu èsser gerit pel Conselh General d’Aran.
Emílio Medan, lo cònsol aranés pel drech de decidir
La comuna de Les aprovèt lo 19 de junh passat una mocion de sosten al referendum d’independéncia de Catalonha e Aran del 1r d’octòbre que ven. Lo tèxt lo presentèt Corròp per Aran, e foguèt aprovat gràcias als vòtes de sos dos conselhièrs municipals, del conselhièr del PDECat e dels tres d’Unitat d’Aran, la formacion socialista dirigida per Francés Boya, qu’ara es un nòu membre del conselh directiu del PSÒE. Boya poguèt pas assistir a la sesilha, mas afirma que se i foguèsse anat auriá votat contra.
Segon Francés Boya, Medan es “la sola persona que pensa atal dins lo partit”. De fach, e mai s’es un membre istoric d’Unitat d’Aran, Medan a totjorn refusat de venir militant del partit socialista, coma o an fach sos autres collegas.
Fa qualques jorns, Medan disiá a l’ACN qu'un cònsol màger es pas brica un jutge, e revendicava lo drech a l’autodeterminacion, çò rapòrta VilaWeb. Segon Medan, se pòt pas refusar al pòble catalan los meteisses dreches demandats pel pòble aranés, e assolida qu’après lo referendum del 1r d’octòbre ne caldrà far un autre en Aran, per que los araneses pòscan decidir lor avenir.
En mai d’aquò, Medan remembra que quand se creèt son partit, nomenat Unitat d’Aran-Partit Nacionalista Aranés, i aviá una tièra d’idèas de la clara vocacion nacionalista que comprenián lo drech d’autodeterminacion dels pòbles. Per ansin planh que sos collègas ajan quitat l’aspècte nacionalista per se centrar unicament sul socialista.
De fach, Francés Boya se mòstra contra lo referendum, que lo considèra illegal, mas afirma qu'Aran se poiriá separar d'una Catalonha independenta.
Aué TV: Les acuelh eth prumèr debat entà parlar sus eth referendum der 1 d'octobre ena Val d'Aran
L’eveniment comencèt amb la presentacion d’una proposicion de Constitucion per la nòva republica elaborada per Constituïm, presentada tanben en occitan aranés, en tot soslinhar los aspèctes que pertòcan dirèctament Aran e son autogovèrn. Lo CAÒC expausèt sa proposicion de republica binacionala (occitanocatalana) d’aspècte confederal, que done la possibilitat a Aran d’aver un estat pròpri.
Lo debat contunhèt amb la participacion de la deputada aranesa del Parlament de Catalonha, Mireia Boya; lo cònsol màger de Les, Emílio Medan, lo cònsol Hug de la Rosa e lo conselhièr aranés de la Generalitat de Catalonha, Àlex Moga.
D’un costat, Medan e Boya se mostrèron partisans de la republica confederala d’aspècte binacional, del temps que Moga prepausava qu’Aran venguèsse una entitat territoriala autonòma dins Catalonha.
Demest los assistents se mostrèt l’interès de far d’autras edicions d’aquel debat dins d’autras vilas aranesas. La seguenta poiriá èsser Salardú.
L’IEA-AALO declara que lo procès en Aran lo deu gerir lo Conselh General d'Aran
Durant l’eveniment, lo president de l’Institut d’Estudis Araneses-Acadèmia Aranesa de la Lenga Occitana, Jusèp Loís Sans, profechèt l’escasença per legir una declaracion que l’aviá aprovada lo conselh de l’Acadèmia aquel meteis matin. Dins aquela declaracion, l'IEA-AALO, reconeis la proteccion que Catalonha a donada a l'occitan, afirma que dins l’eventuala futura republica l’occitan deu téner, almens, la situacion d’oficialitat dins tot lo territòri, e que lo procès del drech de decidir en Aran deu èsser gerit pel Conselh General d’Aran.
Emílio Medan, lo cònsol aranés pel drech de decidir
La comuna de Les aprovèt lo 19 de junh passat una mocion de sosten al referendum d’independéncia de Catalonha e Aran del 1r d’octòbre que ven. Lo tèxt lo presentèt Corròp per Aran, e foguèt aprovat gràcias als vòtes de sos dos conselhièrs municipals, del conselhièr del PDECat e dels tres d’Unitat d’Aran, la formacion socialista dirigida per Francés Boya, qu’ara es un nòu membre del conselh directiu del PSÒE. Boya poguèt pas assistir a la sesilha, mas afirma que se i foguèsse anat auriá votat contra.
Segon Francés Boya, Medan es “la sola persona que pensa atal dins lo partit”. De fach, e mai s’es un membre istoric d’Unitat d’Aran, Medan a totjorn refusat de venir militant del partit socialista, coma o an fach sos autres collegas.
Fa qualques jorns, Medan disiá a l’ACN qu'un cònsol màger es pas brica un jutge, e revendicava lo drech a l’autodeterminacion, çò rapòrta VilaWeb. Segon Medan, se pòt pas refusar al pòble catalan los meteisses dreches demandats pel pòble aranés, e assolida qu’après lo referendum del 1r d’octòbre ne caldrà far un autre en Aran, per que los araneses pòscan decidir lor avenir.
En mai d’aquò, Medan remembra que quand se creèt son partit, nomenat Unitat d’Aran-Partit Nacionalista Aranés, i aviá una tièra d’idèas de la clara vocacion nacionalista que comprenián lo drech d’autodeterminacion dels pòbles. Per ansin planh que sos collègas ajan quitat l’aspècte nacionalista per se centrar unicament sul socialista.
De fach, Francés Boya se mòstra contra lo referendum, que lo considèra illegal, mas afirma qu'Aran se poiriá separar d'una Catalonha independenta.
Aué TV: Les acuelh eth prumèr debat entà parlar sus eth referendum der 1 d'octobre ena Val d'Aran
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquest si, no com Unitat d'Aran, que no saben on son, gent així fa funcionar el País.
Visca la Terra...Lliure!
L'Ernest, "El Tàrrega".
Raçonar dialogar negociar
Dialogar negociar raçonar
negociar raçonar dialogar
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari