Actualitats
Jòia: quan era joenessa dera Varossa canta en occitan
Aqueth CD qu’ei eth compliment d’un projècte pedagogic portat peras professoras d’Educacion Musicala e d’Occitan pendent quate ans
Que i a un tepèr de grops feminins occitans que cantan en polifonia mès Jòia ja deu aver era mejana d’atge era mès baisha. Que cau díder qu’ei composat de 10 gojatas deth collègi dera Varossa. Situat en departament deths Hauts Pirenèus, aqueth parçan gascon qu’ei a tocar de Comenge.
Eth 16 de junh, donc, eth grop Jòia que hestejava era sortida deth sòn CD ena sala de Lora Varossa, en companhia deths grops Arredalh e Revelhet. Ua beròia serada pleia d’emocion! Era particularitat de Jòia qu’ei era sua joenessa e era herescor deras votzes.
Aqueth CD qu’ei eth compliment d’un projècte pedagogic portat peras professoras d’Educacion Musicala e d’Occitan pendent quate ans, dab un grop d’escolanas motivadas, ath torn dera canta polifonica occitana. Eras gafetas que s’an apropriat eth arrepertòri trebalhat e que i an ajustat ua tòca personala. Qu’ei atau que venguen de sortir un disc de sèt cançons (tres tradicionalas e quate arrepresas deths Pagalhós, d’Alidé Sans, de Revelhet e de La Mal Coiffée) produit peth Larèr Sòcioeducatiu deth collègi, dab era ajuda deth Ostau Comengés.
Eth CD qu’ei en venta en sit Oralitat de Gasconha ath prètz de 10 èuros (pòrt gratuit).
Joan Pau Ferré
Eth 16 de junh, donc, eth grop Jòia que hestejava era sortida deth sòn CD ena sala de Lora Varossa, en companhia deths grops Arredalh e Revelhet. Ua beròia serada pleia d’emocion! Era particularitat de Jòia qu’ei era sua joenessa e era herescor deras votzes.
Aqueth CD qu’ei eth compliment d’un projècte pedagogic portat peras professoras d’Educacion Musicala e d’Occitan pendent quate ans, dab un grop d’escolanas motivadas, ath torn dera canta polifonica occitana. Eras gafetas que s’an apropriat eth arrepertòri trebalhat e que i an ajustat ua tòca personala. Qu’ei atau que venguen de sortir un disc de sèt cançons (tres tradicionalas e quate arrepresas deths Pagalhós, d’Alidé Sans, de Revelhet e de La Mal Coiffée) produit peth Larèr Sòcioeducatiu deth collègi, dab era ajuda deth Ostau Comengés.
Eth CD qu’ei en venta en sit Oralitat de Gasconha ath prètz de 10 èuros (pòrt gratuit).
Joan Pau Ferré
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La musica es important per l'occitan,tant tradicionala coma de nova produccion. Ligada molt amb la poesia populara facila de comprene e qu'ajuda a conservar la lenga.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari