Lo Conselh General d’Aran defend la reïntroduccion de la galineta
L’ausèl, nomenat en gascon “gariòla”, s’escantiguèt dels Pirenèus occitans durant la primièra mitat del sègle XX
La galineta, en gascon “gariòla”, es un ausèl que s’extingiguèt del Pirenèu occitan durant la primièra mitat del sègle XX | Wikfried Berns
La galineta, en gascon “gariòla”, es un ausèl que s'escantiguèt dels Pirenèus occitans durant la primièra mitat del sègle XX. Ara, lo Conselh General d’Aran ne defend la reïntroduccion. Per aquela rason, lo 4 de julhet passat, de representants del govèrn d’Aran participèron a Grenòble a la reünion del Pargue nacional de Vercòrs en tot expausar las rasons per reïntroduire aquela espécia al país. Tanben i participèron de representants de las societats aranesas de caça e de pesca e dels oficis estatals franceses dels bòsques e de la caça e de representants d’associacions ecologistas.
Lo responsable de l’environament del Conselh General d’Aran, Ivan Alfonso, expausèt las rasons environamentalas e tecnicas que justifican la reïntroduccion de la galineta en tot remarcar las bonas condicions naturalas d’Aran per aculhir tornarmai aquel gallinacèu.
De lor costat, los representants de l’estat francés insistiguèron sul besonh d’assegurar cèrtas garentidas per la reïntroduccion, car las leis francesa e espanhòla son diferentas.
Ivan Alfonso, expausèt las rasons environamentalas e tecnicas que justifican la reïntroduccion de la galineta | Conselh Generau d\'Aran
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La galina diga no, visca la revolució, la galina diga no, visca la revolució ! La galina diga no, visca la revolució, la galina diga no, visca la revolució !
#9 en gascon, lo perdigalh de montina (o perdigalh de lana) que's disè autanplan 'genoleta', aquera darrèra fòrma qu'ei enqüèra emplegada uei lo dia en Aspa entà designar ua auta espècia: la garia grisa o perditz grisa.
#7 Plan bon article, fòrça interessant. Mas per contra lo ligam qu'avètz botat parla pas del meteish ausèl. L'ausèl d'aqueste article, la gariòla (Tetrastes bonasia) es pas lo meteish ausèl que lo "lagopède alpin" (Lagopus muta). La gariòla d'aqueste article es : en latin Tetrastes bonasia, en catalan grèvol comú e en francés gélinotte des bois.
#5 E, plan segur, n'ei pas briga vertat que l'ausèth ei estint peus pirenèus occitans. qu'ei vadut rar en Biarn, d'acòrd, totun n'ei pas lo cas en Bigòrra. N'a pas tròp de predators, lo solet enemic responsable de la rarefaccion de l'espècia qu'ei lo recaufament climatic.
Ved. aquiu:
http://www.pyrenees-parcnational.fr/fr/des-connaissances/le-patrimoine-naturel/faune/lagopede-alpin-ou-perdrix-des-neiges
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
La galina diga no, visca la revolució, la galina diga no, visca la revolució ! La galina diga no, visca la revolució, la galina diga no, visca la revolució !
#9 en gascon, lo perdigalh de montina (o perdigalh de lana) que's disè autanplan 'genoleta', aquera darrèra fòrma qu'ei enqüèra emplegada uei lo dia en Aspa entà designar ua auta espècia: la garia grisa o perditz grisa.
#8 Perdigalh de montina (Bonasa bonasia) :-)
#7 Plan bon article, fòrça interessant. Mas per contra lo ligam qu'avètz botat parla pas del meteish ausèl. L'ausèl d'aqueste article, la gariòla (Tetrastes bonasia) es pas lo meteish ausèl que lo "lagopède alpin" (Lagopus muta). La gariòla d'aqueste article es : en latin Tetrastes bonasia, en catalan grèvol comú e en francés gélinotte des bois.
#5 E, plan segur, n'ei pas briga vertat que l'ausèth ei estint peus pirenèus occitans. qu'ei vadut rar en Biarn, d'acòrd, totun n'ei pas lo cas en Bigòrra. N'a pas tròp de predators, lo solet enemic responsable de la rarefaccion de l'espècia qu'ei lo recaufament climatic.
Ved. aquiu:
http://www.pyrenees-parcnational.fr/fr/des-connaissances/le-patrimoine-naturel/faune/lagopede-alpin-ou-perdrix-des-neiges
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari