Actualitats
Lo G20 d’Amborg, comèrci, emigracion e clima, una malescasuda totala
La sola causa concreta sortida del G20 d’Amborg es la trèva dins lo sud-oèst de Siria que se concretizèt durant la reünion entre lo president rus, Vladimir Putin, amb son omològ dels Estats Units, Donald Trump, e qu’es ja intrada en vigor.
Lo resumit de l’amassada es la meteissa sansònha de frasas bronzinairas, de felicitacions mutualas e de fòtos de familha, mas per rapòrt als tèmas essencials i a pas d’acòrdis. En començant amb lo tèma climatic, l’acòrdi final pòrta la signatura de totes, manca dels Estats Units, de tala sòrta que los Acòrdis de París de 2015 (Còp21) son “irreversibles” per totes, levat per Washington, mas “òm s’esforçarà de trabalhar amassa amb los autres païses en lor ajudant a accedir e a utilizar los combustibles fossils d’un biais pus net e eficient”.
A respècte dels comentaris, lo mai dur es estat lo de la cancelièra alemanda Angela Merkel, que considèra que l’actitud dels Estats Units deu èsser rebutada, perque de fach la posicion estatsunidenca es un grand ponch d’interrogacion, puèi que los mots “en ajudant a accedir e a utilizar los combustibles fossils d’un biais pus net e eficient” vòlon pas res dire, o dich en pauques mots, significan de contunhar de far servir lo carbon e lo petròli contra la politica de favorir las energias renovelablas.
Una autra question qu’a pas trobat l’acòrdi de totes es lo liure comèrci, de sòrta que los Estats Units an alçat las barricadas. En particular, per quant a l’acièr, que los chineses expòrtan a de prèses ultracompetitius: lo proteccionisme es un dels factors clau de la politica de Donald Trump, que, pasmens, vòl pas trobar d’obstacles a las exportacions estatsunidencas. Qualques unes dison que l’intencion de l’administracion dels Estats Units es d’impausar sus l’acièr de taxas del 20-25% per los chineses, çò que poiriá desencadenar una guèrra economica mondiala amb de consequéncias imprevisiblas, perque en causa de la lei de la simetria d’autres estats farián çò meteis. “Sabèm cossí cal reagir“, çò a dich lo primièr ministre italian Paolo Gentiloni.
I a lo tèma de l’emigracion, ont l’Union Europèa, a travèrs del president del Conselh Europèu Donald Tusk, voliá portar a l’ÒNU la demanda d’introduire de sancions contra los trafegaires, l’enebicion d’expatriar e gelar lors bens.
Dins aquel cas, lo qu’a blocat la proposicion es estat la Russia de Vladimir Putin, amb lo sosten de China, dos estats amb drech de vèto al Conselh de Seguretat. Aquel fach a provocat lo refús de la proposicion. Los europèus considèran que “totes [son] conscients de la distincion legala entre los que son refugiats e los que son emigrants economics. Mas aquestes son mai de l’85% de las arribadas e administrar e conténer los fluxes es e serà de mai en mai un enjòc europèu e mondial”. Çò de mai probable es que i aja de poders economics, tanben d’estats, que lor convenga qu’Euròpa dega despensar de ressorsas e d’energia per una emergéncia que sembla pas d’arribar a la fin.
Dins lo document final se parla en tèrmes generals d’un engatjament “per la lucha contra lo trafec d’emigrants e lo trafec de las personas”, sens dire quora ni per qui.
Aqueste article es adaptat de Geopolítica.cat amb qui Jornalet ten un acòrdi de cooperacion.
Lo resumit de l’amassada es la meteissa sansònha de frasas bronzinairas, de felicitacions mutualas e de fòtos de familha, mas per rapòrt als tèmas essencials i a pas d’acòrdis. En començant amb lo tèma climatic, l’acòrdi final pòrta la signatura de totes, manca dels Estats Units, de tala sòrta que los Acòrdis de París de 2015 (Còp21) son “irreversibles” per totes, levat per Washington, mas “òm s’esforçarà de trabalhar amassa amb los autres païses en lor ajudant a accedir e a utilizar los combustibles fossils d’un biais pus net e eficient”.
A respècte dels comentaris, lo mai dur es estat lo de la cancelièra alemanda Angela Merkel, que considèra que l’actitud dels Estats Units deu èsser rebutada, perque de fach la posicion estatsunidenca es un grand ponch d’interrogacion, puèi que los mots “en ajudant a accedir e a utilizar los combustibles fossils d’un biais pus net e eficient” vòlon pas res dire, o dich en pauques mots, significan de contunhar de far servir lo carbon e lo petròli contra la politica de favorir las energias renovelablas.
Una autra question qu’a pas trobat l’acòrdi de totes es lo liure comèrci, de sòrta que los Estats Units an alçat las barricadas. En particular, per quant a l’acièr, que los chineses expòrtan a de prèses ultracompetitius: lo proteccionisme es un dels factors clau de la politica de Donald Trump, que, pasmens, vòl pas trobar d’obstacles a las exportacions estatsunidencas. Qualques unes dison que l’intencion de l’administracion dels Estats Units es d’impausar sus l’acièr de taxas del 20-25% per los chineses, çò que poiriá desencadenar una guèrra economica mondiala amb de consequéncias imprevisiblas, perque en causa de la lei de la simetria d’autres estats farián çò meteis. “Sabèm cossí cal reagir“, çò a dich lo primièr ministre italian Paolo Gentiloni.
I a lo tèma de l’emigracion, ont l’Union Europèa, a travèrs del president del Conselh Europèu Donald Tusk, voliá portar a l’ÒNU la demanda d’introduire de sancions contra los trafegaires, l’enebicion d’expatriar e gelar lors bens.
Dins aquel cas, lo qu’a blocat la proposicion es estat la Russia de Vladimir Putin, amb lo sosten de China, dos estats amb drech de vèto al Conselh de Seguretat. Aquel fach a provocat lo refús de la proposicion. Los europèus considèran que “totes [son] conscients de la distincion legala entre los que son refugiats e los que son emigrants economics. Mas aquestes son mai de l’85% de las arribadas e administrar e conténer los fluxes es e serà de mai en mai un enjòc europèu e mondial”. Çò de mai probable es que i aja de poders economics, tanben d’estats, que lor convenga qu’Euròpa dega despensar de ressorsas e d’energia per una emergéncia que sembla pas d’arribar a la fin.
Dins lo document final se parla en tèrmes generals d’un engatjament “per la lucha contra lo trafec d’emigrants e lo trafec de las personas”, sens dire quora ni per qui.
Aqueste article es adaptat de Geopolítica.cat amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jornalet es tres fòrt per parlar de malescasuda.
S'agis de la reorganisacion dau rapòrt de fòrça entre los estats. L 'òm pòd dire qu'i a pus un estat dominant mas chacun es obligeat de far emben l'autre.
Quò es ratat per l'union européenna (Merkel, Macron) de voler far avançar lòr idéia d'una governança mondiala en se debarassan daus estats nacions. Lo G20 a benleu condamnat lo proteccionisme mas reconeiguet lo dreit aus pais de se defendre commercialement en cas de praticas ilegitimas. Segon lo G 20 çò qu'es condamnable son las mesuras qu'empeschan un pais de poder accedar a quauques bens o produchs e non de las mesuras visan a taxar los produits importats se fau protegear l'industria nacionala.
Tot lo monde sab ben que dins tot aquò lo climat a pas belcòp d'importança coma volan lo far creire Macron e Merkel per redorar lòr blason o developar lòr industira. L'òm parla pas de Monsanto, de la polucion que son tertant importanta coma l'eschaurament climatic. La construccion de veituras electricas son pas tant ecologicas qu'aquò que las batarias consomeran tant de carbona que 8 ans d'utilisacion de veituras diesels. Quò es plan d'isolrt las maisons mas i a una menaça: lo developament de la merula, un champanhou que pòd destruit un ostal. (veire merule sur internet)..
Mielhs vau legir lo libre (o escotar las videòs sur internet) d'Alexandre Rougé : "les cathares 700ans apres" per comprener l'actualitat politica e economica de tot temps; es totrjorn la mesma.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari