An suspendut, per ara, lo projècte de bastiment de la restanca d’Agua Zarca, en Honduras, pel qual assassinèron Berta Cáceres e ensagèron de tuar sa filha. S’agís d’una restanca que volián bastir dins lo departament d’Intibucá, un dels principals territòris abitats pels lencas. Dins aquela region i a lo flume Gualcarque, ont Cáceres aviá dirigit una campanha de resisténcia indigèna contra lo bastiment de la restanca. Lo movement indigèna argumentava que l’infrastructura empediriá lo provesiment d’aiga, de noiridura e de medicaments tradicionals a las comunautats ribairencas.
 
Ara, dos investisseires europèus se retiran de l’entrepresa proprietària e admeton de problèmas e d'irregularitats dins la gestion de la crisi amb las comunautats del pòble lenca, çò rapòrta Nationalia.
 
Aquela suspension temporària es, segon l’entrepresa, “un gèst de bona volontat que contribuirà a reduire la tension e facultar una solucion a l’entorn de l’avenidor d’aquela iniciativa d’energia neta e renovelabla”.