Lo patrimòni del país es un còp de mai en perilh. De trabalhs arquitectonics previstes per començar lo 15 d’octòbre que ven pòdon descarar irreversiblament l’Ostal Gaugiran. Plaçat a Còrdas d’Albigés (País d’Albi) e bastit entre los sègles XIII e XIV, es protegit coma patrimòni istoric dempuèi 1923.
Pr’amor que se considèra solament la faciada “patrimòni istoric”, la lei empacha pas los cambiaments qu’afècten pas aquela faciada. Las modificacions incluràn la destruccion de corondats de fusta, la cobertura de la cort e l’acapçar de l’espaci d’acuèlh e del luòc d’emmagazinatge per i bastir de compartiments e de trastets.
De vesins de la region se mobilizan per far signar una peticion en linha amb la tòca de far revisar lo projècte, per fin de preservar aquel testimoniatge gaireben unic de l’arquitectura occitana del sègle XIII.
Los cordiòls son convidats a participar a una reünion informativa uèi, dimars 9 d’octòbre. Mai d’informacion sus l’e-mail.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari