Actualitats
L’Institut d’Estudis Araneses reconeis lo drech de decidir dels pòbles catalan e aranés
Segon l’acadèmia aranesa, “era proteccion qu'era Catalonha autonomica a dat ar aranés a creat un modèl e un exemple mondiau de proteccion d'ua minoritat, e de promocion dera sua dignitat”
L’Institut d’Estudis Araneses-Acadèmia Aranesa de la Lenga Occitana (IEA-AALO) sosten lo drech de decidir del pòble catalan e del pòble aranés. Dins una declaracion aprovada pel conselh de l’acadèmia l’8 de julhet passat, l'IEA-AALO reconeis la proteccion que Catalonha a donada a l'occitan, afirma que dins l’eventuala futura republica l’occitan deu téner, almens, la situacion d’oficialitat dins tot lo territòri, e que lo procès del drech de decidir en Aran deu èsser gerit pel Conselh General d’Aran.
Segon l’acadèmia aranesa, “era proteccion qu'era Catalonha autonomica a dat ar aranés a creat un modèl e un exemple mondiau de proteccion d'ua minoritat, e de promocion dera sua dignitat”.
Segon l’acadèmia aranesa, “era proteccion qu'era Catalonha autonomica a dat ar aranés a creat un modèl e un exemple mondiau de proteccion d'ua minoritat, e de promocion dera sua dignitat”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vaquèira (Baquèira, l'estacion d'esquí)
La Vall D'Aran a occitanitzat los noms dels vilatges, de las carrieiras, de las botegas e en mai de las pistas d'esquí a Vaquèira.
Vau regularament esquiar a Vaquèira e seriái interessat en rescontrar araneses practicant l'esquí en tot parlar gascon.
E i a monitors d'esquí parlant gascon?
Suggeririái que posten vidéos tutorialas sul YouTube...
Me cerqui los mots pertenents a l'esquí; ai solament trapat pauques sitis en catalan.
Acò m'es un plaser de i legir las directivas en gascon, sus las tele-cadièiras...
L'estacion es la mai bèlla dels Pireneus...
Es possible a l'estacion d'ajustar lo gascon a las lengas de mai, coma lo catalan?
Ai sarrat lo parelh d'esquís per l'estíu, plan afustats e encerats en vista de la sason que vèn.
M'agradariá d'afustar tamben mon parlar en esquí.
Traçar las pistas frescas a fum de posca, de matin, seguent la darrièira nevada, e miralhar la serra dels Pireneus ...
Basta venguesse lèu lo plaser total
Visca la glissa gascona!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari