Pasmens, sariái curiós de saupre las rasons que fan "clicar roge" mon comentari. Aguèsson lo coratge de testimoniar e d'esprimir lur vejaire...

Personalament, me considère pas ni d'un costat ni de l'autre. Mon sol partit es aquel de l'objectivitat e de la mesura, de la quista d'equilibri e d'una certana veritat. Me fote pas mau de la color e de las originas d'un endividú que rescòntre per carrièiras o que fau montar dinc la veitura. La prumièira causa que fau ieu, es de conversar, de partatjar emb d'el, de conéisser lo fons de son còr. Me fote pas mau de sa carta d'identitat o de son ADN ! E se me vòu parlar de sas originas : i vendrà solet se vòu, l'anarai pas quèrre forçadament.

Un pauc mai d'amor, de respèct los uns per los autres. Un pauc mai de sens de la responsabilitat endividuala per un foncionament pus armoniós dinc nòstra vida collectiva. E ce que dise vau per CHASCUN, onte que siègue e d'onte que vengue. Saique agradarà pas mon discors als "cliquejaires roges", que tornar dise ce que pense... !

E per respòndre a l'"observatòri anti-fadòli", li dirai qu'aime bien Marselha. Daumatge qu'aquesta vila capite pas de "s'envolar" dinc l'Istòria, coma Tolosa per esemple. De qué-z-aquò que la n'empacha ?? Me sembla que i a un potenciau uman e plurau que... Se o esplican los sociològues ?
Legiguère, fai quauques jorns dinc lo blòg d'Aquò d'Aquí, que venon de dovrir un Enstitut Berbèra dinc la vila : chanut, francament, per aquel pòple nòrd-african de l'identitat minorizada. E ben, tè ! Aquí l'ocasion de téisser de liams entre culturas cosinas !

#16 Où, brave Raiòu ! T'aimam plan que siès dei nòstres ! Avem pas de problèma, lo politicament corrècte nos en fotem coma de l'an quaranta ! Avem pas besonh d'aquò per comprene lo mond, vai,que la conaria es d'en pertot e a pas de color ! Aimam nòstreis amics de monte que siaguen e avem pas paur de picar sus nostreis ennemics de monte que venguen. Plan luènh d'aquèu maniquéism raciau e conòt qu'es vengut lo luèc comun politicament corrècte deis fadòlis identitaris. De religion n'avem pas, colèga,, e encara mens de mèstre o d'ideologia. Leis amics, la musica, leis filhas e lo canèbe,vaqui ! E qu'òm vengue pas nos faire cagar ! Bessai pus facile a viure au nòstre qu'en Cevèna. Ten-te fièr, mon bon Raiòu, siès dei nòstres ! Tabò !

Lo replec identitari nòrd-african (e musulman) emb de sa manca de convivença, l'endurère pendent 15 annadas de vida a la vila dinc una banlèga, fortaressa sarrada de muralhas e de torres grisas. Lai veguère amai viuguère aitant de bonetas causas coma de marridas e vergonhosas.
Lo replec identitari occitan (e crestian sens o èstre) emb de sa manca de convivença, entre tornar au país, l'endurère pendent 14 annadas dinc un vilatge cevenòu. Lai veguère amai viuguère mon retorn de "mièg-estrangièr" emb de bonetas causas mès tanben emb de bien pus michantas qu'en banlèga !
Per los abonats a la marrida fe, venguessiatz pas me bailar de leiçons de vida aquí-dessús : n'ai agut mon fais d'esperienças que ne'n poiriái testimoniar.

Los limites, los savètz pas, que vesètz pas que la mitat de l'icebèrg. En mai d'aquò, jutjatz automaticament, emb de parcialitat amai :
- un constat es ja per vautres una ensulta ;
- una volontat d'enterrojar los fachs es ja per vautres de faissisme ;
- remetre en question la desmesura de l'Autre es ja per vautres lo refús de l'Autre.
Savètz de qué-z-es vòstre problèma ? Avètz pas lo coratge de pensar diferent dau "politicament corrècte" qu'es el vòstra religion. Culpabilisatz que vos rasejon una paura e umana idèia, una question ?
Avètz paur de drandalhar ? D'ausar la critica ? Ne'n perdretz pas vòstras valors, bodiu ! E ne'n vendretz pas de "zenofòbes" ni mai de "faissistas" !
Ara, comprene per de qué l'occitanisme chorra despièi tant de temps...