Actualitats
Vielha: rassemblament solidari amb Pablo Santos pel retorn al país de sa filha Noa
Noa es raubada per sa maire dempuèi 15 meses en Uruguai. Lo paire reclama que torne al país. La justícia uruguaiana dona rason al paire mas lo tribunal de Vielha reconeis pas aquela senténcia
Se debanèt ièr davant lo tribunal de Vielha un rassemblament en solidaritat amb Pablo Santos, que i protèsta dempuèi qualques jorns en tot reclamar sa filha de 5 ans, Noa, raubada per sa maire dempuèi 15 meses en Uruguai. “Sonque voi que me dèishen veir ara mia hilha, voi hèr part dera sua educacion”, çò explicava Santos a Aué TV.
Fa 15 meses, la maire de Noa, qu’es d’origina uruguaiana, tornèt dins son país amb la filha. Pablo denoncièt aquel fach e la justícia d’Uruguai a prononciat una senténcia qu’obliga la maire de far tornar venir la petita Noa a Vielha, luòc de residéncia abitual de la familha. Mas lo tribunal de Vielha reconeis pas aquela senténcia e doncas l’aplica pas. Per aquela rason Pablo es a protestar davant las pòrtas del tribunal e ara a rescontrat la solidaritat dels araneses.
“Demanam ad aguesta sala que hèsque tot çò possible entà acabar damb aguest patiment de Pablo e que pogue tornar a veir a Noa”, çò revendican los manifestants a Vielha.
En mai d’aquò, una pagina Facebook reclama tanben lo retorn de la petita Noa al país.
Lo Sindic d'Aran, Carlos Barrera, parlèt amb Santos e li manifestèt lo sosten del Govèrn d'Aran en tot far las proceduras davant lo departament de justícia de la Generalitat de Catalonha.
Fa 15 meses, la maire de Noa, qu’es d’origina uruguaiana, tornèt dins son país amb la filha. Pablo denoncièt aquel fach e la justícia d’Uruguai a prononciat una senténcia qu’obliga la maire de far tornar venir la petita Noa a Vielha, luòc de residéncia abitual de la familha. Mas lo tribunal de Vielha reconeis pas aquela senténcia e doncas l’aplica pas. Per aquela rason Pablo es a protestar davant las pòrtas del tribunal e ara a rescontrat la solidaritat dels araneses.
“Demanam ad aguesta sala que hèsque tot çò possible entà acabar damb aguest patiment de Pablo e que pogue tornar a veir a Noa”, çò revendican los manifestants a Vielha.
En mai d’aquò, una pagina Facebook reclama tanben lo retorn de la petita Noa al país.
Lo Sindic d'Aran, Carlos Barrera, parlèt amb Santos e li manifestèt lo sosten del Govèrn d'Aran en tot far las proceduras davant lo departament de justícia de la Generalitat de Catalonha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari