Actualitats
Maduro planh que Rajoy lo critique e li demanda que se preocupe de Catalonha
Se tenguèt un vòte en Veneçuèla promogut per l’oposicion a prepaus de la reforma constitucionala que vòl menar a bon tèrme lo president Nicolás Maduro. Se votèt massissament “non” mas se denóncia d’irregularitats
Se tenguèt en Veneçuèla un referendum promogut per l’oposicion a prepaus de la reforma constitucionala que vòl menar a bon tèrme lo president Nicolás Maduro. La consultacion se faguèt sens l’acòrdi del govèrn de Caracas e lo resultat es pas inalienable. Participèron mai de sèt milions de personas e lo “non” se i impausèt de longa tòca.
Lo govèrn de l’estat espanhòl e sos mèdias tractèron l’informacion, coma d’abitud, en legitimar aquel vòte e deslegitimar lo govèrn de Nicolás Maduro. Dins aquel sens Mariano Rajoy ne critiquèt la reforma constitucionala, comparèt lo president catalan, Carles Puigdemont, amb Nicolás Maduro, e afirmèt que lo partit esquerrista Podèm recep d’argent del govèrn veneçolan. La responsa de Maduro foguèt neta e clara.
“Ò, Marianito Rajoycito, preocupa-te de Catalonha”
Maduro s’estonèt que lo president espanhòl, Mariano Rajoy, aprovèsse la consulta de Veneçuèla en tot ensajar d’empedir lo referendum de Catalonha, puèi que quitament ditz qu’es illegal:
En mai d’aquò, Maduro critiquèt que per Rajoy “la temptativa del pòble de Catalonha de far una jornada democratica e un referendum consultatiu [foguèsse] illegala”, e assolidèt net e clar:
Sèt milions de participants
Lo referendum en question que se’n felicitava Rajoy en Veneçuèla es una consulta promoguda per l’oposicion veneçolana contra lo plan de la reforma de la Constitucion. Segon los organizaires i participèron mai de sèt milions de personas que votèron massissament pel “non”. Segon lo president de l’Assemblada, l’opausant Julio Borges, aqueles resultats daissan Maduro “revocat”.
L'opausant assegurèt que la consulta populara se faguèt amb “un suènh e una confiança totalas” e mai se los veneçolans an agut mens de centres de votacion que d’abitud. “Totun, lo pòble a superat totes los obstacles, la paur, la violéncia e las menaças del govèrn contra los foncionaris, e las gents se son quilhadas pertot en Veneçuèla”.
Pel govèrn de Maduro, la consultacion es pas legitima.
D’irregularitats sospechadas
Las irregularitats d’aquel vòte se manifèstan dins las donadas dels votants a l’exterior, mai i que mai dins l’estat espanhòl. Segon los organizaires del vòte, lo 99,9% dels veneçolans residents en Espanha votèron contra la reforma de Maduro. An raportat 91 985 vòtes, mas segon l’Institut Estatal d’Estadistica (INE), lo 1r de genièr de 2017 i aviá solament 68 639 residents veneçolans en Espanha, enfants incluses.
En mai d’aquò, an publicat un vidèo sus YouTube amb un suspècte enregistrament telefonic entre lo secretari de la justícia de l’estat d’Aragua, Filiberto Colmenares, e lo secretari del partit opausant Taula de l’Unitat Democratica (MUD, en espanhòl), José Gregorio Hernández. Dins aquela convèrsa, Colmenares explica a Hernández cossí an ensajat d’apondre 50 000 vòtes.
Lo govèrn de l’estat espanhòl e sos mèdias tractèron l’informacion, coma d’abitud, en legitimar aquel vòte e deslegitimar lo govèrn de Nicolás Maduro. Dins aquel sens Mariano Rajoy ne critiquèt la reforma constitucionala, comparèt lo president catalan, Carles Puigdemont, amb Nicolás Maduro, e afirmèt que lo partit esquerrista Podèm recep d’argent del govèrn veneçolan. La responsa de Maduro foguèt neta e clara.
“Ò, Marianito Rajoycito, preocupa-te de Catalonha”
Maduro s’estonèt que lo president espanhòl, Mariano Rajoy, aprovèsse la consulta de Veneçuèla en tot ensajar d’empedir lo referendum de Catalonha, puèi que quitament ditz qu’es illegal:
“Ò, Marianito, Marianito, Marianito Rajoycito, es legala una consulta parallèla a l’estat, a la Constitucion, una consulta intèrna que l’ai permesa, dels partits de la drecha, mas es pas legal lo referendum que vòl lo pòble de Catalonha per decidir son estatut davant l’estat espanhòl”.
En mai d’aquò, Maduro critiquèt que per Rajoy “la temptativa del pòble de Catalonha de far una jornada democratica e un referendum consultatiu [foguèsse] illegala”, e assolidèt net e clar:
“Ven pas a ieu de dire mon opinion ni mai de metre lo nas dins los afars intèrnes d’Espanha ni de Catalonha, la brava Catalonha, la rebèlla Catalonha”.
Sèt milions de participants
Lo referendum en question que se’n felicitava Rajoy en Veneçuèla es una consulta promoguda per l’oposicion veneçolana contra lo plan de la reforma de la Constitucion. Segon los organizaires i participèron mai de sèt milions de personas que votèron massissament pel “non”. Segon lo president de l’Assemblada, l’opausant Julio Borges, aqueles resultats daissan Maduro “revocat”.
“Amb los vòtes emeses pel pòble veneçolan, Nicolás Maduro es matematicament revocat. Aitala èra la paur que la sentiá pel referendum, e per aquela rason lo voliá empedir, per aquela rason lo govèrn vòl pas far jamai d'eleccions”.
L'opausant assegurèt que la consulta populara se faguèt amb “un suènh e una confiança totalas” e mai se los veneçolans an agut mens de centres de votacion que d’abitud. “Totun, lo pòble a superat totes los obstacles, la paur, la violéncia e las menaças del govèrn contra los foncionaris, e las gents se son quilhadas pertot en Veneçuèla”.
Pel govèrn de Maduro, la consultacion es pas legitima.
D’irregularitats sospechadas
Las irregularitats d’aquel vòte se manifèstan dins las donadas dels votants a l’exterior, mai i que mai dins l’estat espanhòl. Segon los organizaires del vòte, lo 99,9% dels veneçolans residents en Espanha votèron contra la reforma de Maduro. An raportat 91 985 vòtes, mas segon l’Institut Estatal d’Estadistica (INE), lo 1r de genièr de 2017 i aviá solament 68 639 residents veneçolans en Espanha, enfants incluses.
En mai d’aquò, an publicat un vidèo sus YouTube amb un suspècte enregistrament telefonic entre lo secretari de la justícia de l’estat d’Aragua, Filiberto Colmenares, e lo secretari del partit opausant Taula de l’Unitat Democratica (MUD, en espanhòl), José Gregorio Hernández. Dins aquela convèrsa, Colmenares explica a Hernández cossí an ensajat d’apondre 50 000 vòtes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
USA e l'UE estan ajudant a l'oposicion amb tots sos mejans possibles per derrocar coma sia al president electe democraticament. Diners, agitadors, grups terroristas. Volen pas esperar a qu' hi haja las elecions presidencials corresponents d'aquí a un an e mieg. Son una colha de golpistas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari