Actualitats
Se clava uèi l’Estivada de Rodés
L’edicion d’ongan a prepausat coma novetat un empont de mai e una moneda pròpria
Se clava uèi l’edicion 2017 de l’Estivada de Rodés, que dempuèi lo 20 de julhet passat prepausa de concèrts, deambulacions, animacions pels enfants, espectacles, cinèma, conferéncias e danças, coma o rapòrta La Setmana. Las novetats d’ongan son, d’un caire, una moneda pròpria del festenal nomenada “peceta” qu’equival en valor a l’èuro, e de l’autre, un empont de mai al bèl mièg del sit dedicat a la restauracion.
Lo festenal a emplegat un centenat de benevòls, una quarantena d’agents e de salariats qu’alestisson l’eveniment dempuèi sièis meses.
De soslinhar ongan los concèrts de Nadau, Goulamàs-K, Didier Tousis, Motivés, Minima Social Club o l’artista nòrd-catalan Cali.
En 2016, lo festenal foguèt représ per la comuna de Rodés: se son perduts los escambis amb los grops de tria catalans e an demesit considerablament l’emplec de la lenga occitana e la participacion occitanista. Per contra, la comuna rapòrta qu’ara lo festenal es mai presat dels locals.
Lo festenal a emplegat un centenat de benevòls, una quarantena d’agents e de salariats qu’alestisson l’eveniment dempuèi sièis meses.
De soslinhar ongan los concèrts de Nadau, Goulamàs-K, Didier Tousis, Motivés, Minima Social Club o l’artista nòrd-catalan Cali.
En 2016, lo festenal foguèt représ per la comuna de Rodés: se son perduts los escambis amb los grops de tria catalans e an demesit considerablament l’emplec de la lenga occitana e la participacion occitanista. Per contra, la comuna rapòrta qu’ara lo festenal es mai presat dels locals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Primièrament vèsi pas l'interès de convidar lo Cali a-n-aquela estivada. Autant i convidar Patrick Bruel o Rihana . Segondament qualificar d’artista nòrd-catalan lo Bruno Caliciuri , dich Cali, unencament perqu'aquel es nascut a Perpinyà es saique quichar un pauc. Aquel Cali s'es pas jamai considerat coma nòrd-catalan, mas coma un francès, filh d'imigrats italians,es son drech e i-a pas de vergonha a-n-aquò. Li empegatz sus l'esquina una identitat qu'es pas seuna e que refusaria solide. Es coma dire dau Daniel Cohn Bendit qu'es un occitan perque es nascut a Montauban. Pas la pena de lo conèisser per saupre quina seria sa responsa. Idem pel Cali. E en mai se trapa justament qu'aquel Bruno Caliciuri lo coneissi dau temps que demorava a Vernet dels Banys. Me sovèni que quand lo musician Pascal Comelade davalava en vesin de son vilatjòt de Fillols per bèure un còp al cafè de la plaça, que la catalanitat revendicada dau Pascal lo fasia docetament rigolar. Disia ironicament : lo rugbi de XV, la fèsta, la musica òc, mas Jordi Barre sustot pas ! Quand Cali ditz a Jan e Ninon de Nadau que "chanter en occitan c'est un enfermement" aquò a res de sorprenent. Que siague estat convidat a l'estivada occitana de Rodès l'es fòrça mai.
#2
Per la venguda de Bruno Caliciuri dich Cali, nascut entà perpinhan, afogat de rugbi de XV e de musica, creèc son primièr grop « pénétration anale » a l’escòla, cantava « se passi per aici… », aquò fa partit de la gestion dels riscs e segur cal posicionar d’alertas.
D’un autre band coma « jos cultura » enebida (al vist de l’ajuda de l’estat) avem un gra de permeabilitat tras que grandàs, autre fach, lo mond se carran quora veson ençò seu la meteissas causas que veson a la television, lor sembla fa partida del mond d’en naut, amai s’aquel mond s’en trufar a leser.
Avem doas sendas per nos parar d’aquò, las explicas, l’alestiment, un festenal de rodés es pas çò vist a la television, si que non a de qué serviria de far un festenal entà rodés…
Puèi avem tanben la qualitat de çò que produsissem, cançons musicas, benlèu qu’avem pas trobat enquèra la nòstra originalitat occitana (n’en soi segur), cal esperar que venguessa, benlèu un jorn ont sariam penetrats dels dius, l’esperit sufiràs. Coma cadum o sap per èsser ginhèc cal 99% de trabalh e 1% la bona idèia al bon moment. E los dius fan çò que pòdon.
Estivada clavada, Rodés destimborlada !
#2 Segur ! Pr’aquò dobtan pas, saria pas qu’un momenton de la volha d’afirmacion de l’occitanitat de la comuna rodesenca, nimai de sa còla que sosten de longa amb fòrça e coratge la cultura occitana.
Pr’aquò s’agachi una estudi facha per Fabrice Bernissan, çai-jos lo ligam
https://lengas.revues.org/95
Dins l’anciana region Miejorn pirenèu lo budget per l’annada X èra de 1,194 milhard d’euròs e la part consacrada per la cultura occitana èra d’un milhonet, es a dire de 0,34€ per estatjant…
La realitat de las chifras es plan mendre que la dicha fòrta çaquela de promòure la cultura occitana e de la far resontir…
En 2017 dins la novèla region « occitanie » lo budget semblaria èsser de 3,347 Milhards d’euros…qu’una part es destinada a çò occitan ?
Sens faire lo purista... trapère fèrme estranja la venguda de Cali a l'Estivada, que per ieu representa mai la parisencalha que non pas la cultura nòsta. Aquò mai inquietant embè d'artistes coma aquelh, es que chaudrá pas dètz ans per que nòsta Estivada venguèsse un festenau coma los autres, ente lo país e la linga tendrán una plaça segondària ! E m'estonariá ben qu'aquò desrengèsse la mairariá de Rodés...
« Per contra, la comuna rapòrta qu’ara lo festenal es mai presat dels locals. »
Ont son las estatisticas ? qu’un metòd d’escandilhatge an fa servir ? eca….
Requista question :
De qué, de qu’unas valors pòt aportar l’occitanisme al pòble occitan dins l’encastre d’un festenal ?
E de qué espera lo pòble occitan de l’airal de l’estivada, festenal occitan o parisencalha lambda?
Cossi es estatada venduda l’estivada alprèp de la populacion de l’airal ? d’aqui que i deu i aver un trabalh de fons de fach aperabans e segurament aprèp.
Qu’ora se fa quicòm deu èsser explicat abans, mentre e aprèp, lo pêr de qué e lo cossi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari