Actualitats
Lo Parlament de las illas Balearas apròva una lei sus la corrida que permet pas de nafrar l’animal
Lo taur pòt pas èsser mai de dètz minutas dins l’arena e ne deu sortir completament indemne. Los taurejaires passaràn un contraròtle antidopatge
Lo Parlament de las illas Balearas aprovèt ièr una lei sus la corrida que met lo ponch final a la tortura dels taurs amb la tòca de complicar la programacion d’aquela sòrta d’espectacles.
La lei permet la corrida en impausant cèrtas condicions. Per exemple, l’animal pòt pas èsser nafrat de cap de biais amb de banderilhas o qué que siá, ni pel caval ni mai pel taurejaire. En mai d’aquò, lo taur poirà èsser solament dètz minutas dins l’arena e puèi ne deurà sortir completament indemne, e l’espectacle pòt pas durar mai de trenta minutas al total. Los taurejaires passaràn obligatòriament un contraròtle antidopatge.
De mai, los organizaires de corridas deuràn soscriure una assegurança per una valor de 360 000 èuros, e dins las arenas se poirà pas vendre d’alcòl e los menors i poiràn pas intrar.
La lei foguèt aprovada amb los vòtes favorables del Partit Socialista, de Mai per Malhòrca e de Podèm. Propòsta per las Illas (PI) s’abstenguèt mentre que lo Partit Popular e Ciutadans votavan contra.
La lei permet la corrida en impausant cèrtas condicions. Per exemple, l’animal pòt pas èsser nafrat de cap de biais amb de banderilhas o qué que siá, ni pel caval ni mai pel taurejaire. En mai d’aquò, lo taur poirà èsser solament dètz minutas dins l’arena e puèi ne deurà sortir completament indemne, e l’espectacle pòt pas durar mai de trenta minutas al total. Los taurejaires passaràn obligatòriament un contraròtle antidopatge.
De mai, los organizaires de corridas deuràn soscriure una assegurança per una valor de 360 000 èuros, e dins las arenas se poirà pas vendre d’alcòl e los menors i poiràn pas intrar.
La lei foguèt aprovada amb los vòtes favorables del Partit Socialista, de Mai per Malhòrca e de Podèm. Propòsta per las Illas (PI) s’abstenguèt mentre que lo Partit Popular e Ciutadans votavan contra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los fachas del PP ja varen anul·lar l'anteriora resolucion del Govern de Progrès de suprimir las cursas de braus. Ara han fet aquestas modificacions per evitar que tornàs a ser anul·lada. Cresi qu'anirà ben aquest pic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari