Actualitats
Las FARC presentaràn lor projècte politic lo 1r de setembre que ven
Lo nòu partit se poiriá presentar a las presidencialas e a las legislativas previstas per 2018 mas, segon Timochenko, es encara tròp lèu
Après lo segond acòrdi de patz de Colómbia, entre lo govèrn del país e las Fòrças Armadas Revolucionàrias de Colómbia (FARC), s’anóncia la conversion de l’organizacion revolucionària en un partit politic, coma èra previst dins l’acòrdi.
Las FARC presentaràn lor projècte politic lo 1r de setembre venent. Las linhas d’accion d’aquel nòu partit se definiràn pendent un congrès que se tendrà entre lo 27 e lo 31 d’agost, segon de fonts de l’organizacion revolucionària colombiana. Dins aquel sens, Carlos Antonio Lozada —en qualitat de pòrtavotz de las FARC—, a anonciat que lo 1r de setembre que ven faràn conéisser lo nom del movement politic e las posicions que defendrà. L’anóncia se farà dins un acte politic sus la plaça Bolívar de Bogotà, qu’es près del parlament colombian.
L’acòrdi de patz prevei que las FARC sián reconvertidas en un partit politic un còp que seràn acabats los procèsses del desarmament. Lo pache garentís al nòu partit una representacion d’almens cinc senators e cinc deputats dins los dos periòdes electorals avenidors.
Tròp lèu per las eleccions de 2018
Lo nòu partit se poiriá presentar a las presidencialas e a las legislativas previstas per 2018, mas o faràn pas. Segon lo dirigent de las FARC, Rodrigo Londoño Echeverri, dich Timochenko, aquò es encara tròp lèu.
Timochenko se tròba totjorn en Cuba ont se refà d’un aneurisme cerebral, mas a anonciat que partirà lèu devèrs Bogotà per participar a la reünion de la nomenada Convergéncia Nacionala per la Reconciliacion e la Patz, qu’es ja a se debanar. Après son arribada se fixarà los darrièrs detalhs del congrès.
Las FARC presentaràn lor projècte politic lo 1r de setembre venent. Las linhas d’accion d’aquel nòu partit se definiràn pendent un congrès que se tendrà entre lo 27 e lo 31 d’agost, segon de fonts de l’organizacion revolucionària colombiana. Dins aquel sens, Carlos Antonio Lozada —en qualitat de pòrtavotz de las FARC—, a anonciat que lo 1r de setembre que ven faràn conéisser lo nom del movement politic e las posicions que defendrà. L’anóncia se farà dins un acte politic sus la plaça Bolívar de Bogotà, qu’es près del parlament colombian.
L’acòrdi de patz prevei que las FARC sián reconvertidas en un partit politic un còp que seràn acabats los procèsses del desarmament. Lo pache garentís al nòu partit una representacion d’almens cinc senators e cinc deputats dins los dos periòdes electorals avenidors.
Tròp lèu per las eleccions de 2018
Lo nòu partit se poiriá presentar a las presidencialas e a las legislativas previstas per 2018, mas o faràn pas. Segon lo dirigent de las FARC, Rodrigo Londoño Echeverri, dich Timochenko, aquò es encara tròp lèu.
Timochenko se tròba totjorn en Cuba ont se refà d’un aneurisme cerebral, mas a anonciat que partirà lèu devèrs Bogotà per participar a la reünion de la nomenada Convergéncia Nacionala per la Reconciliacion e la Patz, qu’es ja a se debanar. Après son arribada se fixarà los darrièrs detalhs del congrès.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo nòu partit se poiriá presentar a las presidencialas e a las legislativas previstas per 2018, mas o faràn pas. Segon lo dirigent de las FARC, Rodrigo Londoño Echeverri, dich Timochenko, aquò es encara tròp lèu ? Perqué ? An pas encara agut pro léser d'estudiar la social-democracia europèa ? A França n'avèm un, d'élegit presidencial, que l'i poiriá forma lèu lèu…
Fòrça d'Accion Revolucionàrias Consumeristas, aquì lo novèl optic ? Es encara tròp lèu per o presentar ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari