Actualitats
An detengut Cédric Herrou pel seisen còp
Diluns lo metèron en gàrdia a vista al comissariat de Canas. Acompanhava l’activista roergàs, José Bové, e mai de 200 migrants après aver formulat una demanda d’asil
An detengut pel seisen còp Cédric Herrou, e mai un centenat de migrants que l’acompanhava.n Herrou es estat mes en gàrdia a vista al comissariat de Canas e los migrants menats als locals de la polícia de las frontièras a Menton, çò rapòrta Nice Matin.
En aquesta ocasion, Herrou acompanhava l’activista roergàs, José Bové, e mai de 200 migrants a la plataforma d’aculhença dels demandaires d’asil a Niça per que se poguèsson enregistrar e formular lor demanda. Vint e sèt refugiats volián demorar dins lo departament mas los autres tornèron prene lo tren. La polícia los arrestèt a l’estacion ferroviària de Canas.
L’avocat d’Herrou, Zia Ouloumi, assegurava al jornal niçard que i aviá pas d’enebicion de circulacion pels migrants, ni mai d’assignacion a residéncia, tre que lors noms èran anonciats a las autoritats per una demanda d’asil.
Jutjat qualques còps per un afar de solidaritat
Cédric Herrou es un agricultor de 37 ans conegut per aver albergat en cò sieu plusors centenats de migrants. Foguèt detengut en agost passat e puèi mes en libertat. Lo 4 de genièr passat foguèt jutjat per aver portat secors a de migrants e refugiats. Lo procuraire l’acusèt d’aver pas agit a títol umanitari mas per militantisme e li reprochèt, a el e a l’associacion Ròia Ciutadana, l’ocupacion illegala d’un bastiment desafectat per de colònias de vacanças de l’SNCF a Sant Dalmatz de Tenda ont aurián aculhit de desenas de migrants, mai que mai de menors isolats.
Herrou foguèt ja jutjat lo 23 de novembre, amb un autre activista roiasc, Pierre Alain. Èran acusats d’aver secorreguts de migrants e de refugiats. “Un delicte de solidaritat”, çò afirmavan alavetz lors avocats a Marseille infos autonomes. Herrou obtenguèt lo remandament de son procès, çò rapòrta l’OBS.
“Quand vesètz de familhas amb de nenets, de menors per carrièras en situacion d’ipervulnerabilitat fàcia als rets de tot genre, que fasètz? Passatz vòstre camin?”, çò disiá Herrou a La Croix fa qualques meses.
Un afar mediatizat
Ara l’afar es talament mediatizat, mai que mai a l’estrange ont quitament lo New York Times i consagra un bèl reportatge.
La mediatizacion del dorsièr aviá butat lo president del conselh departamental, Eric Ciotti, a publicar d’articles contra Herrou, e mai se los mèdias donèron a l’activista roiasc lo drech de replicar.
De reconduchas illegalas de menors isolats a la frontièra
La cinquena detencion de Cédric Herrou arribava lo 6 de julhet passat, just l’endeman d’aver publicat sus Internet un vidèo de gaireben 12 minutas que denonciava de practicas illegalas de las autoritats francesas amb los immigrants refugiats menors. Lo vidèo, entitolat Anar-Retorn, es estat fach amb camèra amagada per la còla de Ròia Solidària a la gara mentonasca de Garavan, e mòstra e denóncia de “reconduchas illegalas de menors isolats a la frontièra” ansin coma un “centre de retencion illegal” al primièr estatge de la petita estacion ferroviària de Menton.
En aquesta ocasion, Herrou acompanhava l’activista roergàs, José Bové, e mai de 200 migrants a la plataforma d’aculhença dels demandaires d’asil a Niça per que se poguèsson enregistrar e formular lor demanda. Vint e sèt refugiats volián demorar dins lo departament mas los autres tornèron prene lo tren. La polícia los arrestèt a l’estacion ferroviària de Canas.
L’avocat d’Herrou, Zia Ouloumi, assegurava al jornal niçard que i aviá pas d’enebicion de circulacion pels migrants, ni mai d’assignacion a residéncia, tre que lors noms èran anonciats a las autoritats per una demanda d’asil.
Jutjat qualques còps per un afar de solidaritat
Cédric Herrou es un agricultor de 37 ans conegut per aver albergat en cò sieu plusors centenats de migrants. Foguèt detengut en agost passat e puèi mes en libertat. Lo 4 de genièr passat foguèt jutjat per aver portat secors a de migrants e refugiats. Lo procuraire l’acusèt d’aver pas agit a títol umanitari mas per militantisme e li reprochèt, a el e a l’associacion Ròia Ciutadana, l’ocupacion illegala d’un bastiment desafectat per de colònias de vacanças de l’SNCF a Sant Dalmatz de Tenda ont aurián aculhit de desenas de migrants, mai que mai de menors isolats.
Herrou foguèt ja jutjat lo 23 de novembre, amb un autre activista roiasc, Pierre Alain. Èran acusats d’aver secorreguts de migrants e de refugiats. “Un delicte de solidaritat”, çò afirmavan alavetz lors avocats a Marseille infos autonomes. Herrou obtenguèt lo remandament de son procès, çò rapòrta l’OBS.
“Quand vesètz de familhas amb de nenets, de menors per carrièras en situacion d’ipervulnerabilitat fàcia als rets de tot genre, que fasètz? Passatz vòstre camin?”, çò disiá Herrou a La Croix fa qualques meses.
Un afar mediatizat
Ara l’afar es talament mediatizat, mai que mai a l’estrange ont quitament lo New York Times i consagra un bèl reportatge.
La mediatizacion del dorsièr aviá butat lo president del conselh departamental, Eric Ciotti, a publicar d’articles contra Herrou, e mai se los mèdias donèron a l’activista roiasc lo drech de replicar.
De reconduchas illegalas de menors isolats a la frontièra
La cinquena detencion de Cédric Herrou arribava lo 6 de julhet passat, just l’endeman d’aver publicat sus Internet un vidèo de gaireben 12 minutas que denonciava de practicas illegalas de las autoritats francesas amb los immigrants refugiats menors. Lo vidèo, entitolat Anar-Retorn, es estat fach amb camèra amagada per la còla de Ròia Solidària a la gara mentonasca de Garavan, e mòstra e denóncia de “reconduchas illegalas de menors isolats a la frontièra” ansin coma un “centre de retencion illegal” al primièr estatge de la petita estacion ferroviària de Menton.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo tròll qu'ei passat per ací tanben (#1).
Que's hè cagar o n'a pas d'amics?
Auei surt una nova al Diari de Mallorca: L'UE demanda al president de Veneçuela que dimitesca. Aquí es pot veire l' intromission en los afaires de los altres países de L'Union Europea, que fa tot lo que pot per treure a un president elegit pel poble per quatre ans e que li volen far un cop d'estat perquè s'envaja a la meitat de son mandat.
#1 Lo mascle subrecargat de testoserona, vaqui l'ennemic ! No comment.
#1 Un còp de mai, un còp de mai ! L 'Estat francès, qu'a la memòria corta e selèctiva se mainha de pantheonisar l'ex-delinquènta Simone Veil . Segon las leis anti-josivas de Vichy, que foguèron promulgadas tre julh e octòbre 1940, o-cal precisar sensa cap pression alemanda , ésser josiu èra un delicte. La nissarda Simone Veil foguèt doncas legalament arrestada per de policièrs francèses , que fasian res qu'aplicar la lei, puèi remèsa a las autoritats alemandas, totjorn dins l'estricte respièch de la lei, per ésser desportada a Auschwitz.
D'aquèl temps lo tipe que fasia lo colhon en donant asili, assistència o ajuda a "d'illegals " ( josius, sens-patria, resistants, comunistas, franc-maçons, omosessuals e-c-a) s'expausava a ésser castigat per la lei. Quand n'i-avia un que se fasia agantar, lo bon sens populari ( los braves gents que Brassens ne parla dins "la Mauvaise Réputation") avia bèl jòc de dire "e ben zó, es de sa fauta, avia qu'a pas bravar la lei !"
Ara los que bravèron la lei de Vichy son considerats coma d'eròis per los mèsmas ( l'estat francès,
lo bon sens populari e-c-a.. ) que considèran que lo Cédric Herrou quicha un pauc amb sa tissa de donar asili, assistència e ajuda a "d'illegals ". "Aprèp tot ,s'òm l'escampa en preson es de sa fauta, avia qu'a pas bravar la lei !"
N'i-a certs que me van dire "où, quichas un pauc, sèm pas en 1940, la situacion a res a vèire, e patin-cofin !"
Conèissi una montanhòla vièlha, de la cevèna, qu'en 1940 diguèt bestiosament de las nòvas leis anti-josivas " me damne, fai pensar a la Revocacion de l'Edicte de Nantes !". E lo vilatge de ne rire e de se trufar d'èla en li disent " nècia que sias, sèm al sègle vint, es pas la mèsma epoca, sèm pas al sègle sètze, , a pas res a vèire, cal pas tot confondre, pecaire ! " La nècia, l'originala, se taisèt. E a la resconduda, aquèla protestanta un pauc simplèta que confondava las epocas, donèt asili, assistència e ajuda als illegals de son temps. Aprèp la guèrra, quand la lei cambièt e se capvirèt a 180 degrasses, diguèron pas qu'èra una delinquènta. Diguèron qu'èra una "Justa". Es colhon lo mond, vertat ?
I-aurà de longa de nècis, d'originals e de simplèts coma lo Cédric Herrou. Aürosament. Son l'onor de la raça umana.
#1 Un o dos lops dins lo tropèl de fedas, e fasèm crebar tot lo tropèl ? Per las gents compassionlas e bravas coma tu, suggeririái una immersion societala de dos o tres ans dins un tropèl de refugiats coma lo que dises. Soi segur que la formacion seriá fòrça educativa…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari