Actualitats
An arrestat lo vaissèl ultradrechista C-Star per trafec de personas
Transportavan 28 migrants de Sri Lanka devèrs Itàlia. Eles dison qu’èran de mond que seguisián un cors de navigacion
Las autoritats turcochipriòtas an detengut al pòrt de Famagosta l’esquipatge de la nau C-Star, de la còla nomenada en anglés Defend Europe (Defend Euròpa) consagrada a empedir los salvaments de migrants en Mediterranèa. Dins lo vaissèl i an trobat 28 migrants dont la majoritat venon de Sri Lanka. Lo grop es compausat d’uèch membres d’esquipatge e del capitani que son acusats de trafec de personas.
Après far lor deposicion, las autoritats turcochipriòtas los an liberats per manca de pròvas, franc del proprietari de la nau qu’es estat menat al sud de l’illa per i tornar far una deposicion, çò rapòrta The Guardian.
Los refugiats qu’èran dins lo batèl dels ultradrechistas an dich qu’avián pagat quitament 10 000 èuros per que los menèsson devèrs Itàlia, e cinc d’eles dison qu’an demandat l’asil politic dins aquel país e i an pogut anar. D’autres quinze son estats remandats devèrs Sri Lanka.
Acusan las organizacions umanitàrias de trafegar amb las personas
La detencion dels membres de C-Star contrasta amb la tòca de Defend Europe, que lo grop francés Generacion Identitària ne fa partida. Aquela organizacion xenofòba nasquèt amb la tòca explicita d’empedir que las organizacion sumanitàrias salvèsson de migrats naufragats en Mediterranèa. Los acusan de “traficar amb de centenats de milièrs d’immigrants illegals en Euròpa e meton en perilh la seguretat e l’avenir del continent”. Defend Europe, qu’a amassat mai de 75 000 èuros per aquela tòca, considèra que las organizacions umanitàrias que secorron de refugiats en Mediterranèa son “responsables de la negada de milièrs d’africans”. Lo grop ultradrechista denóncia que las organizacions umanitàrias amassen de dons per trafegar amb de personas dins l’encastre d’un ret internacional. Per aquela rason ditz que farà “tot çò que poirà” per empachar “las activitats illegalas de las organizacions umanitàrias”. Mas ara lo grop C-Star es estat arrestat per trafec de personas.
Detenguts en Egipte
De fach es pas lo primièr episòdi escandalós del naviri C-Star. Lo 20 de julhet passat, foguèt detengut en Egipte per las autoritats del canal de Suèz, quand anava devèrs Catània (Sicília). Lo cònsol de Catània aviá avertit prèviament que voliá pas qu’aquel vaissèl amarrèsse dins son pòrt.
Fasián d’entraïnament de navigacion
En seguida de lor arrestacion al nòrd de Chipre, la còla ultradrechista a publicat un comunicat que ditz que vint dels refugiats que los transportavan dins lor vaissèl fasián un entraïnament de navigacion. Mas las organizacions umanitàrias los aurián corromputs amb de sòus per que demanden l’asil en Itàlia. Dins aquel sens, segon lo grop xenofòb, quinze migrants aurián refusat aquel argent e per aquela rason los aurián remandats.
Segon la polícia de la marina turcochipriòta, la nau ultradrechista a desactivat lo sistèma d’identificacion automatica e ara es pas pus localizabla.
Après far lor deposicion, las autoritats turcochipriòtas los an liberats per manca de pròvas, franc del proprietari de la nau qu’es estat menat al sud de l’illa per i tornar far una deposicion, çò rapòrta The Guardian.
Los refugiats qu’èran dins lo batèl dels ultradrechistas an dich qu’avián pagat quitament 10 000 èuros per que los menèsson devèrs Itàlia, e cinc d’eles dison qu’an demandat l’asil politic dins aquel país e i an pogut anar. D’autres quinze son estats remandats devèrs Sri Lanka.
Acusan las organizacions umanitàrias de trafegar amb las personas
La detencion dels membres de C-Star contrasta amb la tòca de Defend Europe, que lo grop francés Generacion Identitària ne fa partida. Aquela organizacion xenofòba nasquèt amb la tòca explicita d’empedir que las organizacion sumanitàrias salvèsson de migrats naufragats en Mediterranèa. Los acusan de “traficar amb de centenats de milièrs d’immigrants illegals en Euròpa e meton en perilh la seguretat e l’avenir del continent”. Defend Europe, qu’a amassat mai de 75 000 èuros per aquela tòca, considèra que las organizacions umanitàrias que secorron de refugiats en Mediterranèa son “responsables de la negada de milièrs d’africans”. Lo grop ultradrechista denóncia que las organizacions umanitàrias amassen de dons per trafegar amb de personas dins l’encastre d’un ret internacional. Per aquela rason ditz que farà “tot çò que poirà” per empachar “las activitats illegalas de las organizacions umanitàrias”. Mas ara lo grop C-Star es estat arrestat per trafec de personas.
Detenguts en Egipte
De fach es pas lo primièr episòdi escandalós del naviri C-Star. Lo 20 de julhet passat, foguèt detengut en Egipte per las autoritats del canal de Suèz, quand anava devèrs Catània (Sicília). Lo cònsol de Catània aviá avertit prèviament que voliá pas qu’aquel vaissèl amarrèsse dins son pòrt.
Fasián d’entraïnament de navigacion
En seguida de lor arrestacion al nòrd de Chipre, la còla ultradrechista a publicat un comunicat que ditz que vint dels refugiats que los transportavan dins lor vaissèl fasián un entraïnament de navigacion. Mas las organizacions umanitàrias los aurián corromputs amb de sòus per que demanden l’asil en Itàlia. Dins aquel sens, segon lo grop xenofòb, quinze migrants aurián refusat aquel argent e per aquela rason los aurián remandats.
Segon la polícia de la marina turcochipriòta, la nau ultradrechista a desactivat lo sistèma d’identificacion automatica e ara es pas pus localizabla.
ALERT. Far Right vessel C-Star changes crew at Famagusta. 10 new crew & sails tomorrow. @hratsea@hopenothate@seawatchcrew@MSF_Sea@hrwpic.twitter.com/GMO0D1r3X7
— Human Rights at Sea (@hratsea) 26 de juliol de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8
E puish, desaprovar lo contiengut d'un article qu'ei ua causa. Mes que's tròba au demiei deus legedors ua persona que pòsta messatges a la limita de la difamacion e de l'omofobia.
#8
Ne m'adressaví pas a vos, mes a uns legedors qu'an besonh de lutar contre un enemic fantasmat entad aver ua rason de víver.
Après cadun que pòt trobar quauquarren de bon léger en çò deu Jornalet.
Aquel escambi de comentaris senhala una particularitat. La premsa occitana es estequida... mas en linha, quotidiana e gratuita, o es encara mai ; mercé donc, e mila còps mercé, a los que fan viure Jornalet.
Pasmens e çaquelà, ni pel plaser de legir la lenga nòstra, la linha editoriala d'aquela gaseta espanhòla, catalanista e esquerrista, lassa bravament e ne fas un sadol. Mas qué volètz... cal pas tròp far los refastinhoses.
E donc lo divòrci es quotidian, e tot còp vesedor, entre los redactors e una partida de son lectorat.
Contunharai de legir Jornalet, tant que me costarà pas res, car d'unes articles, desapartits de tota ideologia, i son de qualitat, tan pauc que se mainen pas de politica.
Dire a un legeire : "se sètz pas content, anatz veire endacòm mai" seriá escafar aquela particularitat de l'expression occitana : amb qual parlar ? ont parlar ?
#3 : Que pensi lo xenophon que's passeja peu siti deu Jornalet per'mor n'i a pas gran causa a léger suus sitis de National Hebdo o de Sens Commun per aquestes torns.
E puish, lo plasér de har cagar lo monde...
#1 Mon bon Xenofon-Comtessa-de-Dia-Samosate-Pessalmezzo aqueles pichons neò-fascistas te dònan una jovença nòva qu'as pus gaire dempuèi un brave temps. T'aconsèlham de los anar rejoinher lèu-lèu en Miegterrana per los ajudar plen de vòia a faire son trabalh d'escana-metècas e de mata-mòros. E qui sap, benlèu qu'aquò te farà tornar joine, bèl, en bona santat amb totes tos cabèls, seissanta quilòs en mens e un sex-appeal de pas creire amb li chatonas. Es tot lo mal que te sovetam, pecaire !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari