Actualitats
Austràlia: prepausan un referendum per que lo país venga una republica
Lo cap de l’oposicion australiana, Bill Shorten, a promés de ne pausar la question per referendum s’es elegit president en 2019
Lo cap de l’oposicion d’Austràlia, Bill Shorten, s’es engatjat a convocar un referendum per que lo país venga una republica. A l'ora d'ara, lo cap d’estat es la reina Elisabèt II, pr’amor qu'Austràlia fa partida del grop de païses del Commonwealth.
S'agís d’una promessa electorala. Austràlia organizarà d'eleccions en 2019, mas Shorten las a anticipadas e a prepausada la question amb una responsa binària: “Sostenètz una republica australiana amb un australian coma cap d’estat?”.
Dins una intervencion a la cadena Sky, Shorten a dich sa conviccion que ganhariá l’“òc” e a argumentat que los australians deurián poder decidir qual deu èsser lor cap d’estat.
Lo precedent de 1999
Shorten, del Partit Trabalhista, a criticat lo primièr ministre, lo liberal Malcolm Turnbull, perque, e mai siá republican, abandonèt la revendicacion de la republica quand assumiguèt son cargue en 2016. De fach, Turnbull èra estat un dels caps del Movement Australian Republican, la fòrça que promoguèt la votacion. Ça que la, lo primièr ministre escartèt de far un segond referendum abans la fin del reinatge d’Elisabèt II.
A l'ora d'ara, la reina es representada en Austràlia pel governador general, Peter Cosgrove. Lo Commonwealth es una organizacion internacionala qu'amassa cinquanta dos estats qu'an de ligams istorics o colonials amb lo Reialme Unit.
S'agís d’una promessa electorala. Austràlia organizarà d'eleccions en 2019, mas Shorten las a anticipadas e a prepausada la question amb una responsa binària: “Sostenètz una republica australiana amb un australian coma cap d’estat?”.
Dins una intervencion a la cadena Sky, Shorten a dich sa conviccion que ganhariá l’“òc” e a argumentat que los australians deurián poder decidir qual deu èsser lor cap d’estat.
The #Bteam panel discuss @billshortenmp's push for Australia to become a republic. MORE: https://t.co/Skgi6Dmstg#auspolpic.twitter.com/sykauFg04N
— Sky News Australia (@SkyNewsAust) 29 de juliol de 2017
Lo precedent de 1999
Shorten, del Partit Trabalhista, a criticat lo primièr ministre, lo liberal Malcolm Turnbull, perque, e mai siá republican, abandonèt la revendicacion de la republica quand assumiguèt son cargue en 2016. De fach, Turnbull èra estat un dels caps del Movement Australian Republican, la fòrça que promoguèt la votacion. Ça que la, lo primièr ministre escartèt de far un segond referendum abans la fin del reinatge d’Elisabèt II.
A l'ora d'ara, la reina es representada en Austràlia pel governador general, Peter Cosgrove. Lo Commonwealth es una organizacion internacionala qu'amassa cinquanta dos estats qu'an de ligams istorics o colonials amb lo Reialme Unit.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Correccion de la 1a frasa, se cal legir: "Lo Commonwealth amassa d'Estats independants que totes AN PAS PER CAP la reina d'Anglatèrra ..."
Lo Commonwealth amassa d'Estats independants que totes an caps a lor cap la reina d'Anglatèrra. Son mens de detz las monarquias del Sistèma de Westminster qu'an per sobeiran la reina d'Anglatèrra. Los autres membres son de monarquias amb un autre sobeiran qu'aquel d,Anglatèrra. E la granda majoritat dels membres del Commonwealth son de Republicas. Lo fach qu'Austàlia venga una republica lo fa sortir del Sistèma de Westminster mas pas obligatòriament del Commonwealth.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari