Bandièra05 1180x150: PUBLICITAT

Actualitats

Politica

Muriel Pénicaud respond a las acusacions

Interrogada sus la moralitat de sa maivalença realizada en 2013 en çò de Danone, la ministra francesa del trabalh francesa s’es defenduda davant los deputats

La ministra francesa del trabalh, Muriel Pénicaud, presentèt diluns passat sas ambicions per la reforma del còde del trabalh, que se començarà de discutir a l’Elisi lo 21 d’agost per èsser oficialament adoptada a la fin de setembre. Mas al cors de son audicion, Pénicaud deguèt respondre a l’escàndol que dempuèi qualques jorns n’es la protagonista. “Daissarai pas degun dire qu’ai pas cap de còr ni cap de morala”, çò diguèt la ministra, que quitament se vantèt de son “engatjament social dempuèi 40 ans”.
 
Una partida importanta de la societat politica e civila de l’estat demanda sa demission après que l’Humanité revelèt qu’encaissèt mai d’un milion d’èuros gràcias a la venda de sas stock-options del grop Danone en 2013 quand èra directritz de ressorsas umans. Segon aquelas informacions, vendèt sas 55 120 accions dos meses après anonciar la supression de 900 emplecs en Euròpa, dont 230 dins l’estat francés. En plen debat sus la nòva lei de moralizacion de la vida publica, qualques deputats e senators d’esquèrra an denonciat qu’aquela desmesurada maivalença foguèsse possibla, puèi que lo prètz de las accions montèt quand s’anoncièt la supression dels 900 emplecs.
 
 
Declaracion de patrimòni non publicada
 
En plena polemica suls ganhs que percebèt quand èra la cap de las ressorsas umanas de Danone, lo pòrtavotz del govèrn francés, Christophe Castaner, assegurèt lo 28 de julhet passat que la declaracion de patrimòni èra publicada. Mas Russia Today denóncia que la maivalença de 1 120 034 èuros permesa per la venda de sas stock-options siá pas mençonada sul sit de la Nauta Autoritat per la transparéncia de la vida publica (HATVP segon sa sigla en francés). Segon RT, Pénicaud auriá declarat 1 144 924 èuros de remuneracion o gratificacion de son emplegaire, Danone. Aquò significa que se los revenguts que provenián de la venda de las stock-options èran incluses a aquel moment, sa remuneracion per l’ensems de l’an 2013 seriá de 15 890 èuros, çò es un salari a pena superior a l’SMIC. 
 
 
 
 
 
 

 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Emmanuèl Isopet
5.

#1 As plan rason, i a una mena d'escandal dins aquelas chifras. Quand t'avisas pas que 1 milion d'euros aquò representa 30 ans de trabalh d'un parelh al SMIC, e que doncas lo monde pòdon èsser escandalizat… es que sèm pas totes sus la meteissa planeta.
Quin trabalh pòt meritar 60 ans de salari ?
Parlam de la paura Pénicaud, mas quantes son dins aquesta situacion ? A tè, ausissi que Neimar arriba al PSG… quantes de SMIC ?
Al delà d'aquò, d'unes diràn que soi radical, mas me demandi encara perqué los revenguts d'una persona (e pas solament dels responsables politics, mas eles primièrs) son pas publics ? Vesi pas çò que geina. D'unes apelan aquò « l'òrra dictatura de la transparéncia », d'autres de « voyeurisme », mas vesi pas ont es lo problèma de mostrar clarament çò que ganham, nòstre patrimòni. Levat evidentament s'es illegal o se l'òm se tròba moralament geinat d'amolonar desmesuradament d'argent, o encara se demandam a de personas que triman per ganhar 2000€ lo mes de far d'esfòrces quand ne ganham 100 còps mai sens se crevar la palhassa…

  • 8
  • 0
E Passa Que T Ai Vist Lo Clapàs (Montpelhièr)
4.

Aquela tanben ? Aquela tanben ! E ne sem encara qu'a la debuta. Nihil novi sub sole coma disia l'autre.

  • 17
  • 1
Enric Mala Tèsta
3.

#1 Ont viu aquel mond ? Al país dels pòbles someses…

  • 10
  • 3
Pom Pom Pom Pidou Bedariu
2.

Ah ! Ah ! Ah ! Ah ! La cort parisenca, sas intrigas e sas messorgas. En tota impunitat, qu'es plan segur un mond de tria. E los occitans dins aquò ? Ah ! Ah ! Ah ! Ah !

  • 22
  • 5
Pirolet
1.

Totes los mèdias dempuèi una setmana explican qu'es aital, qu'a pas demandat res mas qu'es lo sistèma, qu'es competenta per menar las discutidas sus la lei trabalh perque conéis l'entrepresa... Quand, dins una jornada, te fas UN MILION d'euros, legal o pas, es escandalós, e encara mai quand demandas als que susan per arribar a fin de mes de se sarrar encara mai la cencha.
Mas ont viu aquel mond quand veses que, segon los critèris de la talha d'abitacion, una persona sola sens enfants, a partir de 1700 euros al mes es un privilegiat que serà pas exonerat?!

  • 16
  • 1

Escriu un comentari sus aqueste article