Actualitats
Veneçuèla met en marcha uèi son Assemblada Nacionala Constituenta
L’Union Europèa a anonciat que reconeis pas lo vòte. Los Estats Units dison que cèrcan lo biais d’obligar Maduro de quitar lo poder
L’Assemblada Nacionala Constituenta de Veneçuèla se metrà en marcha uèi, e non pas ièr coma aquò èra previst. Lo president Nicolás Maduro l’a remesa per que “s’organize plan, en patz, amb tranquillitat”. Segon Maduro tot aquò permetrà d’isolar “las menaças” que patís l’installacion d’aquel conselh, que deu aver luòc dins lo palais legislatiu, çò es lo sèti del Parlament ont la majoritat de deputats son de l’oposicion.
Pendent la nuèch de dimècres passat, la Gàrdia Nacionala Bolivariana, qu’es la polícia militarizada del país, prenguèt un salon del palais legislatiu per i preparar l’installacion en seguretat de l’ Assemblada Nacionala Constituenta de Veneçuèla. Mas lo president del parlament, l’opausant Julio Borges, soslinhèt que los policièrs perdián lor temps e assegurèt que los deputats contunharián de trabalhar dins lo palais legislatiu.
L’Assemblada Nacionala Constituenta de Veneçuèla foguèt elegida per referendum dimenge passat, al mitan d’una crispacion politica e sociala e d’una avalanca de manifestacions contràrias, fòrça violentas, que comencèron lo 1r d’abril passat amb un tragic bilanç de 121 mòrts. Malgrat lo boicòt de l’oposicion, l’assemblada constituenta del país foguèt votada per un 41,53% de la lista electorala.
L’UE reconeis pas lo vòte
L’Union Europèa a anonciat que reconeis pas l’Assemblada Constituenta de Veneçuèla. Los 28 estats membres demandan a Maduro que rectifique e suspenda lo conselh elegit. Dison que l’eleccion a refortida la crisi sociala que la patís lo país.
En mai d’aquò, los 28 dison al govèrn veneçolan que durciràn lor responsa contra Veneçuèla, e mai per ara eviten de parlar de sancions.
Los Estats Units reconeisson que cèrcan de tombar Maduro
Lo secretari d’estat estatsunidenc, Rex Tillerson, revelèt dimars passat, dins una conferéncia de premsa, que las divèrsas agéncias d’entresenha dels Estats Units estudiavian lo biais de forçar lo president de Veneçuèla, Nicolás Maduro, de quitar lo poder.
“Avaloram totas nòstras opcions politicas per veire çò que podèm far per crear un cambiament de las condicions [en Veneçuèla] ont o Maduro entenga qu'a pas cap d’avenidor e vòlga partir per volontat pròpria, o nosautres poscam far que lo govèrn [veneçolan] torne a sa Constitucion”, çò diguèt en reconéisser que voliá que l’eleccion de dimenge passat foguèsse anullada e que Maduro perdèsse lo poder.
Pendent la nuèch de dimècres passat, la Gàrdia Nacionala Bolivariana, qu’es la polícia militarizada del país, prenguèt un salon del palais legislatiu per i preparar l’installacion en seguretat de l’ Assemblada Nacionala Constituenta de Veneçuèla. Mas lo president del parlament, l’opausant Julio Borges, soslinhèt que los policièrs perdián lor temps e assegurèt que los deputats contunharián de trabalhar dins lo palais legislatiu.
L’Assemblada Nacionala Constituenta de Veneçuèla foguèt elegida per referendum dimenge passat, al mitan d’una crispacion politica e sociala e d’una avalanca de manifestacions contràrias, fòrça violentas, que comencèron lo 1r d’abril passat amb un tragic bilanç de 121 mòrts. Malgrat lo boicòt de l’oposicion, l’assemblada constituenta del país foguèt votada per un 41,53% de la lista electorala.
L’UE reconeis pas lo vòte
L’Union Europèa a anonciat que reconeis pas l’Assemblada Constituenta de Veneçuèla. Los 28 estats membres demandan a Maduro que rectifique e suspenda lo conselh elegit. Dison que l’eleccion a refortida la crisi sociala que la patís lo país.
En mai d’aquò, los 28 dison al govèrn veneçolan que durciràn lor responsa contra Veneçuèla, e mai per ara eviten de parlar de sancions.
Los Estats Units reconeisson que cèrcan de tombar Maduro
Lo secretari d’estat estatsunidenc, Rex Tillerson, revelèt dimars passat, dins una conferéncia de premsa, que las divèrsas agéncias d’entresenha dels Estats Units estudiavian lo biais de forçar lo president de Veneçuèla, Nicolás Maduro, de quitar lo poder.
“Avaloram totas nòstras opcions politicas per veire çò que podèm far per crear un cambiament de las condicions [en Veneçuèla] ont o Maduro entenga qu'a pas cap d’avenidor e vòlga partir per volontat pròpria, o nosautres poscam far que lo govèrn [veneçolan] torne a sa Constitucion”, çò diguèt en reconéisser que voliá que l’eleccion de dimenge passat foguèsse anullada e que Maduro perdèsse lo poder.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo capitalisme USA & UE se junta amb l'extrema dreta e lo terrorisme per desestabilizar los paises que son pas de son grat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari