Actualitats
Las FARC an autrejat a l’ÒNU una primièra lista de bens
S’engatgèron en octòbre de 2016 a renonciar a totes lors bens per contribuir a la reparacion de las victimas del conflicte qu’a estralhat Colómbia pendent mai de mièg sègle
Las Fòrças Armadas Revolucionàrias de Colómbia (FARC) an autrejat a la mission de l’ÒNU una primièra lista de bens que servirà a la reparacion de las victimas del conflicte qu’a estralhat lo país sud-american pendent mai de mièg sègle.
O anoncièt diluns passat lo Naut Comissariat per la Patz, Sergio Jaramillo, que confirmèt que las Nacions Unidas deviá recebre l’avandicha lista aquesta dimenjada. S'espèra que lo 15 d’agost se coneisserà l’inventari final.
Las FARC s’engatgèron en octòbre de 2016 a renonciar a totes lors bens dins un tèrme de dètz meses per contribuir a la reparacion de las victimas, un dels ponches dels acòrdis de patz soscriches amb lo Govèrn de Juan Manuel Santos. Una partida d’aquel material servirà tanben per ajudar a l'integracion dels èx-guerrilhièrs.
Dins de declaracions a Ràdio Caracol, Jaramillo diguèt qu’amb aqueles bens “se dobrirà la possibilitat de contribuir a la reïncorporacion dels membres de las FARC a la vida civila”. La guerrilha a previst de presentar son projècte politic lo 1r de setembre que ven.
O anoncièt diluns passat lo Naut Comissariat per la Patz, Sergio Jaramillo, que confirmèt que las Nacions Unidas deviá recebre l’avandicha lista aquesta dimenjada. S'espèra que lo 15 d’agost se coneisserà l’inventari final.
Las FARC s’engatgèron en octòbre de 2016 a renonciar a totes lors bens dins un tèrme de dètz meses per contribuir a la reparacion de las victimas, un dels ponches dels acòrdis de patz soscriches amb lo Govèrn de Juan Manuel Santos. Una partida d’aquel material servirà tanben per ajudar a l'integracion dels èx-guerrilhièrs.
Dins de declaracions a Ràdio Caracol, Jaramillo diguèt qu’amb aqueles bens “se dobrirà la possibilitat de contribuir a la reïncorporacion dels membres de las FARC a la vida civila”. La guerrilha a previst de presentar son projècte politic lo 1r de setembre que ven.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari