Actualitats
Lo cambiament climatic serà lo responsable de la mòrt de 260 000 personas en 2100
Se las emissions polluentas contunhan de créisser al ritme d’ara, tres personas sus quatre, dins lo Mond entièr, patiràn de temperaturas potencialament mortalas, çò assegura un estudi scientific
E mai se dempuèi qualques annadas podèm ja remarcar qualques efièches del cambiament climatic, un estudi de l’Universitat de la Carolina del Nòrd (Estats Units) a publicat de donadas catastroficas: l’escalfament global serà lo responsable de la mòrt de 60 000 personas en 2030, e de 260 000 en 2100. Segon los scientifics, la causa d’aqueles decèsses serà la pollucion atmosferica.
L’estudi l’a publicat la revista especializada Nature Climate Change e avertís dels efièches negatius del cambiament climatic per la santat de la planeta. “Dins la mesura que lo cambiament climatic fa créisser la pollucion, pòt tocar significativament la santat de las gents”, çò soslinhan los sabents, que rememban qu’a l’ora d’ara ja morisson de milions de personas cada an a causa de la pollucion de l’aire.
Las temperaturas pus nautas accelèran las reaccions quimicas que son a l’origina dels contaminants atmosferics, coma l’ozòn o las particulas finas.
En mai d’aquò, los scientifics avertisson que, se las emissions polluentas contunhan de créisser al ritme que seguisson ara, tres personas sus quatre, dins tot lo Mond, patiràn de temperaturas potencialament mortalas l’an 2100.
A l’ora d’ara, gaireben una persona sus tres es expausada a de temperaturas extrèmas, una chifra que se calcula que creisserà fins a gaireben la mitat de personas dins lo sègle venent, e mai s’ensage de reduire las emissions de gases. ‘Totes parlan al futur sul cambiament climatic, mas en aqueste estudi vesèm que tot aquò se passa a l’ora d’ara e, evidentament, las causas seràn fòrça piègers”, çò assegura Camilo Mora, autor de l’estudi.
De vilas coma Nòva York poiràn patir de temperaturas consideradas mortalas pendent una cinquantena de jorns per an a partir de 2100, segon l’estudi. E dins d’autras vilas del sud dels Estats Units, coma Orlando o Houston, las èrsas de calor extrèma se poirián alongar pendent tot l’estiu.
Mora alèrta que la planeta se tròba en situacion de perilh. “Lo cambiament climatic a menat l'umanitat devèrs un camin perilhós que serà de mai en mai complicat d’inversar, se se pren pas al seriós las emissions de gases d’efièch de sèrra”. Lo scientific avertís que l'umanitat demòra “sens opcions per l’avenir”.
En conclusion, los cercaires asseguran que lo cambiament climatic poiriá far créisser lo nombre de mòrts a causa de la pollucion dins lo Mond entièr, franc d’Africa.
L’estudi l’a publicat la revista especializada Nature Climate Change e avertís dels efièches negatius del cambiament climatic per la santat de la planeta. “Dins la mesura que lo cambiament climatic fa créisser la pollucion, pòt tocar significativament la santat de las gents”, çò soslinhan los sabents, que rememban qu’a l’ora d’ara ja morisson de milions de personas cada an a causa de la pollucion de l’aire.
Las temperaturas pus nautas accelèran las reaccions quimicas que son a l’origina dels contaminants atmosferics, coma l’ozòn o las particulas finas.
En mai d’aquò, los scientifics avertisson que, se las emissions polluentas contunhan de créisser al ritme que seguisson ara, tres personas sus quatre, dins tot lo Mond, patiràn de temperaturas potencialament mortalas l’an 2100.
A l’ora d’ara, gaireben una persona sus tres es expausada a de temperaturas extrèmas, una chifra que se calcula que creisserà fins a gaireben la mitat de personas dins lo sègle venent, e mai s’ensage de reduire las emissions de gases. ‘Totes parlan al futur sul cambiament climatic, mas en aqueste estudi vesèm que tot aquò se passa a l’ora d’ara e, evidentament, las causas seràn fòrça piègers”, çò assegura Camilo Mora, autor de l’estudi.
De vilas coma Nòva York poiràn patir de temperaturas consideradas mortalas pendent una cinquantena de jorns per an a partir de 2100, segon l’estudi. E dins d’autras vilas del sud dels Estats Units, coma Orlando o Houston, las èrsas de calor extrèma se poirián alongar pendent tot l’estiu.
Mora alèrta que la planeta se tròba en situacion de perilh. “Lo cambiament climatic a menat l'umanitat devèrs un camin perilhós que serà de mai en mai complicat d’inversar, se se pren pas al seriós las emissions de gases d’efièch de sèrra”. Lo scientific avertís que l'umanitat demòra “sens opcions per l’avenir”.
En conclusion, los cercaires asseguran que lo cambiament climatic poiriá far créisser lo nombre de mòrts a causa de la pollucion dins lo Mond entièr, franc d’Africa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Au, tots sabem el que passa, no som rucs. Si destrossem el Planeta que esperem? Que el Mon sigui fantàstic i apacible, o un desastre? Si ho sabem que fem? Potser la Humanitat s'ha tornat en un grapat d'asses, em perdó dels pobre asses, i creiem que destruint-'ho tot arribarem a algun lloc?
Som massa asses i crec que ja fem tard i de fa temps si volem salvar això.
M'entres: A lluitar!
Visca la Terra...Lliure!
L'Ernest, "El Tàrrega".
Benlèu que prene lo bolh es l'unic mejan qu'a trobat lo planeta per se desfar de l'umanitat, finala.
#1 Completament d'acòrdi. Mès com-ple-ta-ment !
Los que deurián préner las decisions necessàrias per i cambiar seriosament qué que foguèsse vos vendràn contar que totes aqueles mòrts vicitimas del cambiament climatic moriràn que qucòm mai se lo cambiament non se fa pas.
Lo problèma non es que cambie lo climat.
Lo problèma nons que fòrça gents n'anen crebar.
Lo problèma non es que lo cambiament climatic siá degut al nòstre biais de viure.
Lo problème non es qu'aqueste biais de viure lo mejan mai segur e consolidant per afortir la riquesa personala de los que non vòlon cmabiar res (en defòra del cilimat…)
Lo problèma ven del biais que se prenon e que s'impausan las decisions. Un ponherat de gents sense escrupuls se tròban plaçats en situacion efectivament de decidir de nos menar totes al cataclisme deman passat, simplament perçò que deman, aquò lor rapotrarà fòrça e que de çò mai, se'n chautan…
Donc, lo problèma ven de la manca d'informacion del public en general, e de la manca de poder decisiona de la societat civila en general, que deu quitar de delegar e d'elegir per préner las decisions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari