Actualitats
An detectat un ret de trafec de femnas que vend de joves manequins a l’enquant
La liberacion d’una jove britanica lo 17 de julhet passat e l’arrestacion del raubaire a permés de trobar lo comèrci de las femnas dins lo web prefond
La polícia a arrestat a Milan Lukasz Herba, un òme qu’aviá raubat una jove manequin britanica e qu’ensagèt de la vendre a l’enquant. La cachavièlha de la jove manequin comencèt lo 10 de julhet passat. Èra anada a Milan après recebre la proposicion d’una sesilha de fotografias. Mas quand arribèt al luòc ont presumidament i aviá l’estudiò fotografic, Lukazs Herba e un complice sieu la droguèron e la raubèron.
Portada mai de 150 km dins una valisa, la joventa se desvelhèt dètz oras puèi dins un ostal de la vila de Borgial (Piemont). Aquí la tenguèron sièis jorns estacada a un mòble.
Los raubaires la liberèron lo 17 de julhet e la liurèron al consolat del Reialme Unit. Se sap pas perqué avián decidit de la liberar. Segon la victima, lo raubaire li diguèt que la liberariá après saber qu’èra maire d’un enfanton. Ara la polícia del Reialme Unit a pres en carga l’enquèsta.
Un ret illegal de trafec de femnas
Après la detencion e la confession d’Herba, la polícia a detectat divèrses sits dins lo web prefond ont se vend de joventas de divèrses païses a l’enquant. Dison qu’aqueles sits web mòstran una descripcion detalhada de caduna de las gojatas e lo prètz.
Per quant a la jove britanica en question, l’avián mes en venda per una valor iniciala de 230 000 èuros, bensai per evitar que foguèsse crompada.
De son caire, Herba a confessat qu’es sòci d’una màfia de trafec de femnas nomenada Black Death Group que fa sos afars dins lo web prefond.
Portada mai de 150 km dins una valisa, la joventa se desvelhèt dètz oras puèi dins un ostal de la vila de Borgial (Piemont). Aquí la tenguèron sièis jorns estacada a un mòble.
Los raubaires la liberèron lo 17 de julhet e la liurèron al consolat del Reialme Unit. Se sap pas perqué avián decidit de la liberar. Segon la victima, lo raubaire li diguèt que la liberariá après saber qu’èra maire d’un enfanton. Ara la polícia del Reialme Unit a pres en carga l’enquèsta.
Un ret illegal de trafec de femnas
Après la detencion e la confession d’Herba, la polícia a detectat divèrses sits dins lo web prefond ont se vend de joventas de divèrses païses a l’enquant. Dison qu’aqueles sits web mòstran una descripcion detalhada de caduna de las gojatas e lo prètz.
Per quant a la jove britanica en question, l’avián mes en venda per una valor iniciala de 230 000 èuros, bensai per evitar que foguèsse crompada.
De son caire, Herba a confessat qu’es sòci d’una màfia de trafec de femnas nomenada Black Death Group que fa sos afars dins lo web prefond.
Un arresto per sequestro #modella ventenne britannica rapita a Milano e messa all'asta online con pagamento in bitcoin #SquadraMobile e #Scopic.twitter.com/L4SliNlgTz
— Polizia di Stato (@poliziadistato) 5 d’agost de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal felicitar a la policia italiana per tal salvament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari