capçalera campanha

Actualitats

SocietatPoliticaInternacional

Una nau umanitària a passat 72 oras dins las aigas internacionalas, refusada per Libia, Itàlia e Malta

A la fin, las autoritats italianas —qu’avián comandat lo salvament de las tres personas qu’èran dins lo vaissèl — autorizèron lo desbarcament

Una de las doas naus de salvament de l’organizacion umanitària Proactiva Open Arms passèt 72 oras dins las aigas internacionalas sens poder arribar a cap de pòrt per desembarcar tres personas salvadas lo 6 d’agost passat a cent milas de la còsta de Libia. Coma l’ONG aviá salvadas aquelas tres personas, la gàrdia litorala libiana la menacèt de los fusilhar se se sarravan de la còsta.
 
“Tornetz pas, o vos tirarai dessús. Torni dire, lo còp que ven seretz la tòca, sens cap d’autre avertiment”, çò menacèt lo batèl militar de Libia.
 
Alara, puèi que l’intrada èra refusada en Libia, lo naviri umanitari se desplacèt devèrs Itàlia per desembarcar a Lampedosa, mas las autoritats italianas o refusèron tanben, e mai se las autoritats italianas avián comandat lo salvament d’aquelas tres personas. Las quitas autoritats italianas mandèron lo vaissèl a Malta, estimant que lo salvament s’èra produch mai près d’aquel país que d’Itàlia. Coma Malta li refusava tanben l’intrada, la nau se trobèt pendent tres jornadas sens poder desbarcar en cap de país per manca de permissions.
 
A la fin, Itàlia autorizèt lo desbarcament al pòrt sicilian de Pozzallo.
 
 
“Sèm pas de delinquents mas salvam de vidas”
 
Proactiva Open Arms denóncia qu’aquel blocatge faga partida de las mesuras iniciadas per l’Union Europèa per limitar lo movement de las organizacions umanitàrias que s’esfòrçan en Mediterranèa centrala de salvar los migrants qu’ensajan d’arribar en Euròpa.
 
“Sèm pas de delinquents mas salvam de vidas”, çò disiá Òscar Camps, lo fondador de Proactiva Open Arms, que precisèt a TV3 que lo salvament s’èra realizat fòra de las aigas territorialas de Libia, e per tant i aviá “pas cap de besonh de menaçar”.
 
 
 
 


abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
2.

Que s'acaben las guerras que fan USA e l'UE a Siria e a l' Orient Mejan, se volen acabar amb los emigrants.

  • 1
  • 0
Observatòri anti-fadòli Marsèlha, La Plana
1.

Où bona maire, mandatz-li lèu aquèu brave Xenofon-Passalmezzo !

  • 1
  • 2

Escriu un comentari sus aqueste article