Actualitats
Ridicul màger de la nau xenofòba
Ironia del sòrt, lo C-Star l’a secorregut una de las organizacions umanitàrias qu’el se consagra a boicotar
Lo vaissèl ultradrechista que se consagra a empedir los salvaments de refugiats en Mediterranèa, apelat C-Star, es estat salvat per l’organizacion umanitària alemanda Sea–Eye davant las còstas de Libia. Ironia del sòrt, la nau dels xenofòbs l’a secorreguda una de las organizacions qu’ela se consagra a boicotar.
Coma o explica l’organizacion umanitària qu’a ajudat lo batèl racista, es lo Centre de Contraròtle de Salvament Maritim per la Mediterranèa (CCSM) de Roma que ne demandèt lo salvament. “Se son en perilh, los devèm ajudar, es lo dever de totes los que sèm en la mar. Devem pas prene en compte l’origina, la color, la religion o las conviccions”, çò rapòrta sus Twitter Michael Buschheuer, fondador de Sea–Eye.
Lo C-Star fa partida de la còla nomenada en anglés Defend Europe (Defend Euròpa) que lo grop francés Generacion Identitària ne fa partida. Aquela organizacion a d’objectius dobèrtament xenofòbs e antimigrants.
Un ridicul après un autre
A la fin de julhet, las autoritats turcochipriòtas detenguèron al pòrt de Famagosta l’esquipatge de la nau C-Star. Dins lo vaissèl trobèron 28 migrants, dont la majoritat venián de Sri Lanka. Los uèch membres d’esquipatge e lo capitani foguèron acusats de trafec de personas e de falsificacion de documents. Après qu’aguèron fach lor deposicion, las autoritats turcochipriòtas los liberèron per manca de pròvas.
Los 28 migrants qu’èran dins lo batèl diguèron qu’avián pagat quitament 10 000 èuros per que los menèsson devèrs Itàlia, e cinc d’eles demandèron l’asil politic dins aquel país e i poguèron anar. Los autres foguèron remandats devèrs Sri Lanka.
Tot aquò contrasta amb la tòca de Defend Europe. Aquela organizacion xenofòba nasquèt amb la tòca explicita d’empedir que las organizacions umanitàrias salvèsson de migrants naufragats en Mediterranèa. Los acusan de “trafegar amb de centenats de milièrs d’immigrants illegals en Euròpa e de metre en perilh la seguretat e l’avenir del continent”. Defend Europe, qu’a amassat mai de 75 000 èuros per aquela tòca, considèra que las organizacions umanitàrias que secorron de refugiats en Mediterranèa son “responsables de la negada de milièrs d’africans”. Lo grop ultradrechista denóncia que las organizacions umanitàrias amassen de dons per trafegar amb de personas dins l’encastre d’un ret internacional. Per aquela rason ditz que farà “tot çò que poirà” per empachar “las activitats illegalas de las organizacions umanitàrias”. Mas lo grop del C-Star foguèt arrestat, ironicament, per trafec de personas.
Coma o explica l’organizacion umanitària qu’a ajudat lo batèl racista, es lo Centre de Contraròtle de Salvament Maritim per la Mediterranèa (CCSM) de Roma que ne demandèt lo salvament. “Se son en perilh, los devèm ajudar, es lo dever de totes los que sèm en la mar. Devem pas prene en compte l’origina, la color, la religion o las conviccions”, çò rapòrta sus Twitter Michael Buschheuer, fondador de Sea–Eye.
Lo C-Star fa partida de la còla nomenada en anglés Defend Europe (Defend Euròpa) que lo grop francés Generacion Identitària ne fa partida. Aquela organizacion a d’objectius dobèrtament xenofòbs e antimigrants.
Un ridicul après un autre
A la fin de julhet, las autoritats turcochipriòtas detenguèron al pòrt de Famagosta l’esquipatge de la nau C-Star. Dins lo vaissèl trobèron 28 migrants, dont la majoritat venián de Sri Lanka. Los uèch membres d’esquipatge e lo capitani foguèron acusats de trafec de personas e de falsificacion de documents. Après qu’aguèron fach lor deposicion, las autoritats turcochipriòtas los liberèron per manca de pròvas.
Los 28 migrants qu’èran dins lo batèl diguèron qu’avián pagat quitament 10 000 èuros per que los menèsson devèrs Itàlia, e cinc d’eles demandèron l’asil politic dins aquel país e i poguèron anar. Los autres foguèron remandats devèrs Sri Lanka.
Tot aquò contrasta amb la tòca de Defend Europe. Aquela organizacion xenofòba nasquèt amb la tòca explicita d’empedir que las organizacions umanitàrias salvèsson de migrants naufragats en Mediterranèa. Los acusan de “trafegar amb de centenats de milièrs d’immigrants illegals en Euròpa e de metre en perilh la seguretat e l’avenir del continent”. Defend Europe, qu’a amassat mai de 75 000 èuros per aquela tòca, considèra que las organizacions umanitàrias que secorron de refugiats en Mediterranèa son “responsables de la negada de milièrs d’africans”. Lo grop ultradrechista denóncia que las organizacions umanitàrias amassen de dons per trafegar amb de personas dins l’encastre d’un ret internacional. Per aquela rason ditz que farà “tot çò que poirà” per empachar “las activitats illegalas de las organizacions umanitàrias”. Mas lo grop del C-Star foguèt arrestat, ironicament, per trafec de personas.
The #CStar is having technical difficulty. We're resolving it. No distress. #DefendEuropepic.twitter.com/4qksU8fN1N
— Defend Europe (@DefendEuropeID) 11 d’agost de 2017
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6:
Pas tà Euròpa, mes sonque dens lo ton casau. Simplament entà har-te cagar...
#6:
Pas tà Euròpa, mes sonque dens lo ton casau. Simplament entà har-te cagar...
#6 Òc.
ridicul mager quina coneria aqueth titol , vosautis que v'bletz hèr ? hèr arribar tota er'Africa tà Euròpa ?
#1 Engulís tas potingas e vai te coijar Lachaud, quò te fará pas de mau e t'eschivará de dire de las conarias entau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari