Actualitats
Brasil: 122 juristas meton en question lo procès contra Lula da Silva
An publicat un libre de 101 capítols ont se soslinha de decisions arbitràrias e d’errors juridics dins la condemnacion de l’èx-president de Brasil
Se presentèt divendres passat a Rio de Janeiro —e diluns passat a São Paulo— un libre entitolat Comentários a uma sentença anunciada: o processo Lula (Comentaris d’una senténcia anonciada: lo procès Lula). S’agís d’una analisi facha per 122 juristas brasilièrs de divèrsas ideologias ont se soslinha de decisions arbitràrias e d’errors juridics dins la condemnacion de l’èx-president de Brasil.
“Es pas un libre en favor o contra de qui que siá, mas una defensa del drech just, de çò que comprenèm coma una senténcia fragila basada sus l’excepcionalitat e sus l’abséncia de pròvas”, çò explicava l’avocata Carol Proner, de l’Universitat Pontifica Catolica de Rio de Janeiro, al jornal Público.
Segon Proner, l’idèa del libre arribèt en seguida dels comentaris de plusors avocats brasilièrs dins un grop de WhatsApp après conéisser la senténcia contra l’èx-president. “Cadun soslinhava una error, èrem espaventats per la sòrta dels arguments del jutge, decidiguèrem d’escriure un libre qu’analisèsse amb clartat la pegariá judiciària”. Es atal que s’amassèt una còla de 122 juristas e se partegèt los tèmas per crear aqueste libre de 101 capítols.
Lo libre fa una revision de totas las estapas de l’enquèsta contra Lula de las accions efectuadas pel jutge pendent aquel temps.
Lula da Silva participèt a la presentacion del libre a Rio de Janeiro e assegurèt qu’ “auràn plan de trabalh se vòlon empedir que torne èsser candidat presidencial”.
Condemnat a nòu ans e mièg de preson
L’èx-president de Brasil Luiz Inácio Lula da Silva lo condemnèron en julhet passat a nòu ans e mièg de preson per corrupcion passiva e blanquiment de cabal, après que lo jutge federal Sergio Moro aguèt conclús que i aviá pro de pròvas per lo condemnar. Moro vei de signes que l’èx-president se faguèt corrompre (amb d’argent e un apartament) en escambi de l’autrejament de cèrtas concessions.
Lula es lo primièr president de l'istòria de Brasil condemnat per corrupcion.
E mai l’acusen d’autres quatres delictes presumits, Luiz Inácio Lula da Silva es lo candidat preferit per la presidenciala de 2018, segon los sondatges.
Per comprene melhor la complèxa situacion de la politica brasilièra, recomandam l’article d’opinion de Dídac Cerezo “Mas d’ont es vengut, aquel impeachment? Brasil e Dilma Rousseff”, publicat dins Jornalet lo 2 de setembre passat.
“Es pas un libre en favor o contra de qui que siá, mas una defensa del drech just, de çò que comprenèm coma una senténcia fragila basada sus l’excepcionalitat e sus l’abséncia de pròvas”, çò explicava l’avocata Carol Proner, de l’Universitat Pontifica Catolica de Rio de Janeiro, al jornal Público.
Segon Proner, l’idèa del libre arribèt en seguida dels comentaris de plusors avocats brasilièrs dins un grop de WhatsApp après conéisser la senténcia contra l’èx-president. “Cadun soslinhava una error, èrem espaventats per la sòrta dels arguments del jutge, decidiguèrem d’escriure un libre qu’analisèsse amb clartat la pegariá judiciària”. Es atal que s’amassèt una còla de 122 juristas e se partegèt los tèmas per crear aqueste libre de 101 capítols.
Lo libre fa una revision de totas las estapas de l’enquèsta contra Lula de las accions efectuadas pel jutge pendent aquel temps.
Lula da Silva participèt a la presentacion del libre a Rio de Janeiro e assegurèt qu’ “auràn plan de trabalh se vòlon empedir que torne èsser candidat presidencial”.
Condemnat a nòu ans e mièg de preson
L’èx-president de Brasil Luiz Inácio Lula da Silva lo condemnèron en julhet passat a nòu ans e mièg de preson per corrupcion passiva e blanquiment de cabal, après que lo jutge federal Sergio Moro aguèt conclús que i aviá pro de pròvas per lo condemnar. Moro vei de signes que l’èx-president se faguèt corrompre (amb d’argent e un apartament) en escambi de l’autrejament de cèrtas concessions.
Lula es lo primièr president de l'istòria de Brasil condemnat per corrupcion.
E mai l’acusen d’autres quatres delictes presumits, Luiz Inácio Lula da Silva es lo candidat preferit per la presidenciala de 2018, segon los sondatges.
Per comprene melhor la complèxa situacion de la politica brasilièra, recomandam l’article d’opinion de Dídac Cerezo “Mas d’ont es vengut, aquel impeachment? Brasil e Dilma Rousseff”, publicat dins Jornalet lo 2 de setembre passat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sérgio Moro, o maior cabo eleitoral de Lula.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari