Actualitats
Demandan que Ràdio País arribe dins las Lanas e lo Bas Ador
Se constituirà lo 2 de setembre venent a Soston una associacion de sosten a Ràdio País amb la tòca que las emissions de la ràdio occitanofòna s’espandiscan per tota Gasconha
Se constituirà lo 2 de setembre que ven a Soston (Maremna) una associacion de sosten a Ràdio País per demandar que las emissions d’aquela ràdio d’expression occitana arriben dins las Lanas e lo Bas Ador, del meteis biais que son recebudas ara en Bearn, Bigòrra e Armanhac.
“La preséncia en las Lanas e Baish Ador, com dejà en Bearn, Bigòrra e Gèrs, d'ua ràdio qui difusa programas en gascon que seré ua atruna de compte har tà la socializacion e l'espandiment de la nosta lenga”, çò dison los amic de Ràdio País qu’encoratjan lo mond a participar nombroses a aquela amassada: “Entà balhar la possibilitat a tots d'audir lo gascon sus las ondas, que s'i cau har tots amassa”.
A l’amassada constituenta serà present un membre del conselh d’administracion de la Federacion Ràdio-País, que donarà d’entresenhas e respondrà a de questions.
La reünion se tendrà lo dissabte 2 de setembre que ven a partir de 10h dins la sala Résano, del pòl associatiu que se tròba en Carrièra de Moscòu, a Soston (Maremna).
“La preséncia en las Lanas e Baish Ador, com dejà en Bearn, Bigòrra e Gèrs, d'ua ràdio qui difusa programas en gascon que seré ua atruna de compte har tà la socializacion e l'espandiment de la nosta lenga”, çò dison los amic de Ràdio País qu’encoratjan lo mond a participar nombroses a aquela amassada: “Entà balhar la possibilitat a tots d'audir lo gascon sus las ondas, que s'i cau har tots amassa”.
A l’amassada constituenta serà present un membre del conselh d’administracion de la Federacion Ràdio-País, que donarà d’entresenhas e respondrà a de questions.
La reünion se tendrà lo dissabte 2 de setembre que ven a partir de 10h dins la sala Résano, del pòl associatiu que se tròba en Carrièra de Moscòu, a Soston (Maremna).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Va plan !
E en seguint que carrà demandar que TVPI, qui a emissions en euskara, aufreishi tanben contienuts en gascon.
Osca per aquela iniciativa d'espandiment d'aquèsta radio de tria. Per veire encara mai luonh, seria urgentissim qu'i-aja una radio hertziana espandida sus Occitània tota. N'existissan maites sus internet mas son escotadas pas que per aqueles que ne coneissan l'existència. Per que i-aja una una presència e una vesibilitat vertadièra de la lenga sul païs tot, e mai que mai per poder dobrir l'auditòri al-delai dels militants (happy fews, que èles son jà al fial !), segur qu'una radio hertziana pan-occitana faria saique miranda. Tè, e perque pas demandar a l'OPLO de se'n entrevar ? Me sembla qu'aquò seria una òbra concrèta e constructiva a l'auçada de sa mission.
• demandar que laS emissionS (d’aquela ràdio d’expression occitana) arribeN… del meteis biais que SON recebudaS.
Hòrt plan! Qu'espèri qui s'i van escàder. Après, que calerà tanben espandir la ràdio en gèrs, que hè hrèita. Ne cau sustot pas nat monopòli bearnés en gasconha..Mes que son benlèu consideracions qui ne tòcan pas hèra los lectors de Jornalet.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari