Actualitats
Un tribunal estatsunidenc a condemnat l’assassin de Víctor Jara
La jurada d’una cort federala d’Orlando considèra que l’èx-militar chilen Pedro Barrientos es colpable de las torturas e de l’assassinat del cantador
La jurada d’una cort federala de justícia dels Estats Units a considerat a l’unanimitat que l’èx-militar chilen Pedro Barrientos es colpable de las torturas e de l’assassinat del cantador Víctor Jara. La cort d’Orlando (Florida) a decidit una compensacion de 28 milions de dolars a la familha del cantador pels damatges e interèsses, çò rapòrta Público.
“Aquò es lo començament de la justícia per totas aquelas familhas qu’espèran la justícia dempuèi fòrça annadas, coma nosautres” çò diguèt Joan Jara, la veusa de l’artista, qu’assistiguèt al jutjament acompanhada de sas filhas Amanda Jara Turner e Manuela Bunster.
“Espèri que Pedro Pablo Barrientos Núñez serà extradit o expulsat, i a pas pus res que o empedisca per qu’afronte la justícia en Chile", çò soslinhèt Amanda Jara.
Lo procès se consagrèt a establir la preséncia de Barrientos a Santiago pendent la setmana del còp d’estat menat pel general Augusto Pinochet contra lo govèrn del socialista Salvador Allende. Lo militar condemnat se trobava dins l’Estadi de Chile e foguèt un dels oficièrs cargats dels presonièrs politics.
Aquel jutjament als Estats Units es lo primièr qu’establís sus qualqu’un de responsabilitats a prepaus de l'assassinat de Víctor Jara, considerat coma un dels cases mai emblematics de las violacions dels dreches umans comesas en Chile pel regim de Pinochet (1973-1990).
“Aquò es lo començament de la justícia per totas aquelas familhas qu’espèran la justícia dempuèi fòrça annadas, coma nosautres” çò diguèt Joan Jara, la veusa de l’artista, qu’assistiguèt al jutjament acompanhada de sas filhas Amanda Jara Turner e Manuela Bunster.
“Espèri que Pedro Pablo Barrientos Núñez serà extradit o expulsat, i a pas pus res que o empedisca per qu’afronte la justícia en Chile", çò soslinhèt Amanda Jara.
Lo procès se consagrèt a establir la preséncia de Barrientos a Santiago pendent la setmana del còp d’estat menat pel general Augusto Pinochet contra lo govèrn del socialista Salvador Allende. Lo militar condemnat se trobava dins l’Estadi de Chile e foguèt un dels oficièrs cargats dels presonièrs politics.
Aquel jutjament als Estats Units es lo primièr qu’establís sus qualqu’un de responsabilitats a prepaus de l'assassinat de Víctor Jara, considerat coma un dels cases mai emblematics de las violacions dels dreches umans comesas en Chile pel regim de Pinochet (1973-1990).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Als assassins los han de perseguir tota sa vida, se cal.
https://www.youtube.com/watch?v=15jIPgrgqkk
Un autre ligam entre Occitània e Victor Jara ...
Òsca per la memòria de Victor Jara (cf la polida cançon de Los de Nadau sus Jara), mai son un pauc gonflats leis estatsunidencs, ambe toei leis assassinats e massacres qu'organizèron en America latina ...
A quand lo procès de la CIA?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari