Diluns passat de matin, una camioneta s’espotiguèt sus dos arrèstes d’autobús a Marselha e acabèt sa corsa sul pòrt vièlh, çò rapòrta La Provence. Lo veïcul se roncèt d’en primièr sus un arrèst d’autobús a la Valentina, en tuant una femna de 42 ans e en nafrant seriosament un òme. La polícia arrestèt lo menaire dins lo tunèl de Sant Maurici, al pòrt vielh de la Ciutat Focèa.
 
Segon La Provence, lo detengut es un òme de 35 ans originari de Grenòble, qu’anèt a Marselha, via una associacion, per seguir de suènhs psiquiatrics dins un establiment especializat. L’òme èra ja conegut de la polícia per de delictes de drech comun, mas es pas fichat per terrorisme.
 
Vejatz l’edicion especiala de La Provence en vidèo.