Actualitats
L’aviacion russa a tuat mai de 200 milicians de l’autoproclamat Estat Islamic
La Fòrça Aeriana de Russia efectuèt diluns passat una ataca contra l’organizacion terrorista sus Dayr Al Zawr dins lo nòrd-èst de Siria
La Fòrça Aeriana de Russia ataquèt diluns passat l’autoproclamat Estat Islamic dins la vila de Dayr Al Zawr, dins lo nòrd-èst de Siria, amb un bilanç de mai de 200 milicians jihadistas mòrts, segon çò que rapòrta lo Ministèri de la Defensa rus.
Las autoritats militaras an indicat que la tòca èra “un grand convòi de l’Estat Islamic” que se dirigissiá devèrs Dayr Al Zawr, “ont los terroristas internacionals ensajan de se regropar e de i installar lor darrièra basa en Siria”.
Lo bombardament rus a destruch mai de 20 veïculs cargats amb d’armas de gròs calibre e de municions en tot tuar mai de 200 jihadistas.
“La destruccion d’Estat Islamic dins la zòna de Dayr Al Zawr serà una desbranda estrategica d’aquela organizacion terrorista en Siria”, çò ditz la nòta de premsa oficiala que la publica l’agéncia d’informacions Sputnik.
Los terroristas son a l’entorn de Dayr Al Zawr dempuèi tres ans. Fa qualques meses arribèron de talhar las comunicacions entre la vila e un aeropòrt militar qu’ara provesís los abitants amb d’elicoptèrs provenents de Qamishli, sus la frontièra de Turquia.
Lo Ministèri de la Defensa rus anoncièt la setmana passada que las tropas russas, que defendon lo govèrn de Bashshar Al Asad, avián liberat la vila d’Al Sukhnah, pròcha de Dayr Al Zawr, çò que lor a permés de dobrir una primièra via d’accès a la vila.
Las autoritats militaras an indicat que la tòca èra “un grand convòi de l’Estat Islamic” que se dirigissiá devèrs Dayr Al Zawr, “ont los terroristas internacionals ensajan de se regropar e de i installar lor darrièra basa en Siria”.
Lo bombardament rus a destruch mai de 20 veïculs cargats amb d’armas de gròs calibre e de municions en tot tuar mai de 200 jihadistas.
“La destruccion d’Estat Islamic dins la zòna de Dayr Al Zawr serà una desbranda estrategica d’aquela organizacion terrorista en Siria”, çò ditz la nòta de premsa oficiala que la publica l’agéncia d’informacions Sputnik.
Los terroristas son a l’entorn de Dayr Al Zawr dempuèi tres ans. Fa qualques meses arribèron de talhar las comunicacions entre la vila e un aeropòrt militar qu’ara provesís los abitants amb d’elicoptèrs provenents de Qamishli, sus la frontièra de Turquia.
Lo Ministèri de la Defensa rus anoncièt la setmana passada que las tropas russas, que defendon lo govèrn de Bashshar Al Asad, avián liberat la vila d’Al Sukhnah, pròcha de Dayr Al Zawr, çò que lor a permés de dobrir una primièra via d’accès a la vila.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal acabar amb lo terrorisme ont sia.
Urrà !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari